Trabant aftur draumabíllinn?

Ég hef alltaf saknað gamla góða Trabantsins míns sem ég keypti nýjan á 78 þúsund krónur - líklega árið 1982. Trabantinn var skemmtilegur bíll. Frábær í snjó - en daprari upp brekkur. Ég var þó tekinn á 104 km á klukkustund UPP Ártúnsbrekkuna. Reyndar neðarlega í henni - því maður varð að þenja Trabbann eins og maður gat áður en haldið var upp brekkur - því annars var hraðinn ósæmilega lítill í efri hluta brekknanna.

Það fór því um mig gleðistraumur þegar í las í Mogganum í morgun að það væri von á nýjum Trabant!

Reyndar verður um að ræða rafbíll með sólarpanill á þakinu!  Hefði dugað vel í borginni þetta sumarið!

Ég hlakka til að sjá aftur Trabant - draumabílinn. Aldrei að vita nema maður festi kaup á einum!!!

Næsti Trabbi verður rafbíll

Athugasemdir

[Einar Björn Bjarnason, 17.8.2009 kl. 16:08]

Hvernig fórstu að því? Ég held að þeir hafi ekki verið nema milli 20 og 30 hestöfl.

Kv.

[Einar Guðjónsson, 17.8.2009 kl. 22:21]

Lögreglan hefur örugglega verið með hraðamæla keypta hjá Finni Ingólfssyni í

frumherja og því mældu þeir alltaf sektir fyrir lögregluna. Allir bílar í hraðakönnun mældust á 104 km hraða. 

[Hallur Magnússon, 17.8.2009 kl. 22:27]

Fyrst gefið í niður hallan frá Réttarholtsvegi - bíllinn þaninn í botn - og svo upp Ártúnsbrekkuna!

Á þessum tíma var Finnur bara aðstoðarmaður sjávarútvegsráðherra!

[Einar Björn Bjarnason, 17.8.2009 kl. 23:28]

Minn fyrsti bíll, var Citroen Axel, sem var lauslega byggður á Citroen Visa.

Þ.e. Visa boddý og undirvagn, 1124cc loftkældur boxer úr gamla GS, sagður 57 hestöfl, þyngd 860 kg.

Galli, framleiddur af Dacia í Rúmeníu. 

Skemmtilegir aksturseiginleikar, og frábær fjöðrun, gott en þungt stýri.

Hryllileg bilanatíðni, aðallega vegna þess, að vírar og tengingar virtust vera hreint drasl.

Á þessu skrönglaðist ég, um nokkur ár. 

Ég held að flestir sem áttu þessa bíla, hafi hent þeim frekar fljótt, eftir svona 10. bilunina.

Kv.