Framsókn hefur samþykkt aðildarviðræður að ESB

Flokksþing Framsóknarflokksins samþykkti að Ísland gengi til aðildarviðræðna við Evrópusambandið. Það er kristalklárt. Flokksþingið samþykkti einnig að í þeim viðræðum myndi Ísland leggja fram ákveðin skynsamleg skilyrði.

Það er eðlilegt að þingmenn Framsóknarflokksins vilji tryggja enn betur en gert er í greinargerð með þingsályktunartillögu ríkisstjórnarinnar að þessi skilyrði Framsóknar verði höfð að leiðarljósi í aðildarviðræðunum.

Í því felst góð breytingartillaga Vigdísar Hauksdóttur.  Að sjálfsögðu ætti Alþingi að samþykkja þá breytingartillögu til að gulltryggja eðlilegt leiðarljós í aðildarviðræðunum.

En ef breytingartillaga Vigdísar nær ekki fram að ganga - þá er fyrirliggjandi tillaga um aðildarviðræður við Evrópusambandið þannig vaxin eftir breytingar sem utanríkismálanefnd hefur gert á henni - að tillagan fellur að samþykkt flokksþings Framsóknarflokksins í meginatriðum.

Kjarni ályktunar flokksþings Framsóknarflokksins er að ganga skuli til aðildarviðræðna og niðurstaða þeirra viðræðna síðan borin undir þjóðaratkvæði.  Það er hin rétta leið. Þjóðin á að taka endanlega afstöðu.

Því er eðlilegt að þingmenn Framsóknarflokksins greiði atkvæði með fyrirliggjandi tillögu ef breytingartillaga Vigdísar verður felld.

Hins vegar er það skiljanlegt að einhverjir þingmenn flokksins sitji hjá við þá atkvæðagreiðslu ef þeir telja að það vanti of mikið upp á að skilyrði Framsóknarflokksins séu tryggð í aðildarviðræðunum.

Hins vegar er það nánast að ganga gegn samþykkt flokksþins Framsóknarflokksins að greiða atkvæði gegn aðildarviðræðum að Evrópusambandinu.

En þá ber að hafa í huga að þingmenn eiga að greiða atkvæði samkvæmt sannfæringu sinni.

Atkvæði greidd um ESB-tillögur síðdegis í dag

Athugasemdir

[Marteinn Unnar Heiðarsson, 15.7.2009 kl. 08:24]

'Eg segi mig úr flokknum ef það á að samþykkja þessa ESB aðild

[Bjarni Kjartansson, 15.7.2009 kl. 08:51]

Hvaða dómadags bull er þetta í ykkur lyddunum?

AðildarVIÐRÆÐUR!  Hvaða orðskrípi er það nú??

Þetta er ekkert annað en umsókn um inngöngu! 

Mundu það vesæll maður, að kona hefur barið þig, var sagt í denn á Suðurlandi.

Slíkt á nú við um þá vesæla þingmenn, sem lyppast undir frekju og landsölu vælinn í Jóhönnu.

Ekki er að vænta mikils af henni.  Eftir hana liggja sveitafélög í skuldafjötrum vegna ,,Félagslega íbúðakerfisins sem hún sendi Sigfús (Nýsis eiganda) til að útbreiða meðal byggðalaga landsins og bað hann fara sem tíðast og liggja nú ekkert á liði sínu. 

Nú er ríkissjóður að greiða milljarða á miljarða ofan til að aðstoða sveitafélögin sem í gildruna féllu svo þau geti sinnt LÖGBOÐNUM verkefnum.

Nei Hallur  þetta er óráðshjal í ykkur en vil setja fram fyrripart sem ortur var um Hall í Bringunum forðum.

Ekki skal hallmæla Halli

Því Hallur er nú í pínu

Hallæri er nú hjá Halli

Því hallur missti hana .........

Svo bið ég þig vel að lifa á *Hundadögum.

Mibbó

[Finnbogi (IP-tala skráð) 15.7.2009 kl. 11:22]

eitt skil ég ekki - það er eins og allt tal um framtíð okkar miðist við að við séum á leið inn í evrópusambandið. en hvernig verður þetta ef við erum bara alls ekkert á leiðinni þangað ?

[Hallur Magnússon, 15.7.2009 kl. 11:50]

Það verður að fá skorið úr um það hvort við förum inn eða ekki. Það gerum við með aðildarviðræðum sem leiða til einhverrar niðurstöðu.

Samhliða þarf að meta stöðu og framtíð Íslands ef við göngum ekki inn,.

Niðurstaða aðildarviðræðnanna verður að liggja til grundvallar ákvörðun um framtíð Íslands innan ESB eða utan. Þá ákvörðun verður þjóðin að taka.

[Guðmundur Gylfi Guðmundsson, 15.7.2009 kl. 12:15]

Komdu sæll Hallur.

Mér finnst þú vera að reyna að fara varlega í málin í þessari umsögn þinni.
Eins of ég hef rætt við framsóknarmenn hér í Reykjavík í vor og seinustu
daga þá finnst mér það vera almenn skoðun hjá þeim að rétt sé að sækja um ESB aðild. Aðildarumsókn var samþykkt á flokksþingi og skilyrðakaflinn hét markmið þar til heitinu var breytt með litlum atkvæðamun við lokaafgreiðslu málsins. Þennan skilyrðakafla er ekki hægt að miða upphaf sitt og endi við
í samningaviðræðunum. Skilyrðakaflinn getur aldrei orðið annað en markmið
eða viðmið í samningum. Niðurstaðan úr samningum verður síðan það sem
tekist verður um við afgreiðslu í þjóðaratkvæðagreiðslu.

Ég hef heyrt málflutnig Sivjar í málinu og er sáttur við hann. Mér finnst
hins vegar málflutningur nokkura annarra þingmanna
framsóknar einstrengingslegur og á skjön við viðhorfið sem ég heyri, þó
einkum í Reykjavíkurkjördæmunum. Mér finnst ekki ástæða að hafa áhyggjur af
því þó varaformaðurinn greiði ekki eins atkvæði og formaðurinn. Það var
ekki svo við afgreiðslu EES samningsins. Almennt er nú talið að
varaformaðurinn hafi þá greitt atkvæði sem almenn sátt hefur síðen orðið
um.

Með kveðju. Guðmundur Gylfi Guðmundsson

[Hallur Magnússon, 15.7.2009 kl. 13:05]

Guðmundur Gylfi

Það er alveg á hreinu að samþykktin er um aðildarviðræður að ESB. 

Telji þingmenn að skilyrði sem sett voru séu á þann veg að það sé vafamál að þingsályktunin gangi ekki nógu langt - þá finnst mér réttmætt að þingmenn sem það telja hafi svigrúm til að sitja hjá.

Það að greiða atkvæði gegn aðildarviðræðum að ESB er hreinlega að greiða atkvæði gegn samþykkt flokksþingsins.

[Jón Snæbjörnsson, 15.7.2009 kl. 13:28]

Sif er hugguleg kona

[Hjörtur J. Guðmundsson, 15.7.2009 kl. 13:39]

Forystumenn Samfylkingarinnar hafa talað um að til standi af hálfu flokksins að skilgreina samningsmarkmið Íslendinga vegna hugsanlegrar umsóknar um inngöngu í Evrópusambandið meira eða minna síðan hann var stofnaður fyrir um áratug síðan. Aldrei hefur hins vegar orðið neitt úr því og ekki einu sinni nú þegar Samfylkingunni hefur tekizt að koma málinu á dagskrá með hjálp forystu vinstri grænna. Ekki er einu sinni að finna nein eiginleg samningsmarkmið í þingsályktunartillögu utanríkisráðherra um málið sem rædd er þessa dagana á Alþingi. Hvers vegna skyldi það vera?

Fyrir þessu er einföld ástæða. Forysta Samfylkingarinnar hefur alla tíð gert sér grein fyrir því að slík samningsmarkmið séu í raun tilgangslaus enda ljóst að Íslendingar munu ekki ná neinum árangri í hugsanlegum viðræðum um inngöngu í Evrópusambandið í neinu sem máli skiptir. Einhver nákvæmlega skilgreind samningsmarkmið, og hvað þá ófrávíkjanleg samningsskilyrði eins og framsóknarmenn hafa komið sér saman um, væru auk þess aðeins til trafala enda hægt að nota þau sem mælkvarða á árangurinn í slíkum viðræðum.

Þess utan má minna á að ef á einhverjum tímapunkti yrði sótt um inngöngu í Evrópusambandið og viðræður hafnar í kjölfarið við Evrópusambandið er ekkert eðlilegra en að Íslendingar settu fram ákveðin algerlega ófrávíkjanleg skilyrði fyrir inngöngu, ekki sízt í ljósi þess að sambandið mun gera slíkt hið sama. Flest yrði einfaldlega ekki samið um af hálfu þess. En þetta er eitthvað sem Samfylkingin myndi aldrei samþykkja enda reiðubúin að ganga í Evrópusambandið nokkurn veginn sama hvað það kostar.

[Gísli Ingvarsson, 15.7.2009 kl. 16:21]

Miðbæjar íhaldið er svo slakur í íslensku að hann hefur aldrei náð uppí að aðildarviðræður og umsókn um inngöngu er nákvæmlega sami gerningurinn. Það var enginn að fela neitt. Hinsvegar má Miðbæjaríhaldið og Birgitta Borgaranna afhjúpa sig og sinn málskilning. Það verður þeimörugglega til framdráttar að tuða um ekki neitt sem skiptir máli.

[Gísli Baldvinsson (IP-tala skráð) 15.7.2009 kl. 17:53]

Nú erum við næstum því að fallast í faðma, Hallur.

[Dude (IP-tala skráð) 17.7.2009 kl. 09:21]

Það er ótrúlegt hvað íhaldspungarnir eru logandi hræddir bara við samningaviðræður við ESB og gjörsamlega ófærir um að nálgast málið með rökföstum og málefnalegum hætti.

Það er líka eins gott að Hjörtur er ekki í samninganefndinni, he'd give away the store...