Dálítið ósanngjarnt að Steingrímur J. beri hitann - og þó!

Það er dálítið ósanngjarnt að Steingrímur J. og félagar hans í VG séu að taka allan hitann í IceSave málinu. IceSave bólgnaði út í tíð Samfylkingar og Sjálfstæðisflokks - sem bera meginábyrgð - þótt Framsókn hafi átt hlut í lagabreytingum á sínum tíma og beri einnig ákveðna ábyrgð - þótt hún liggi fyrst og fremst hjá ríkisstjórn Sjálfstæðisflokks og Samfylkingar.

En Steingrímur J. hefur  með framgöngu sinni undanfarnar vikur vaðið út í pyttinn og ber mikla ábyrgð á núverandi ástandi með hræðilegum IceSave samningum gerðum í fljótfærni - þótt VG og Steingrímur hafi verði hreinar meyjar hvað þetta varðar þegar þeir tóku við í ríkisstjórn.

Ósvífin og ódýr afgreiðsla

Athugasemdir

[Óskar Þorkelsson, 5.7.2009 kl. 13:11]

þetta er svona svolítið eins og að skjóta sendiboðann að kenna SJ um...

[Finnur Bárðarson, 5.7.2009 kl. 13:19]

Ég hef fengið það á tilfinninguna að Steingrímur Joð sé upphafsmaður IceSafe miðað við margar bloggfærslur og ekki síst ummæla stjórnarandstöðu þingmanna.

[Pétur Steinn Sigurðsson, 5.7.2009 kl. 13:37]

Hallur það er ekkert ósanngjarnt að Steingrímur J og hans félagar  taki allan hitann af IceSave málinu, flokkur sem eru búin að rembast eins og rjúpa við staur í allmörg ár til þess að komast í ríkisstjórn getur bara ekki valið úr verkefnum sem takast þarf á við á hverjum tíma, þetta er bara eitt af þeim málum sem þarf að leysa þótt svo að ekki séu málin auðveld, ekki vantaði nú yfirlýsinga þeirra hvernig ætti að leysa málin á sínum tíma.

Verst þykir mér þó þessi umsnúningur Steingríms J í þessu máli eftir að hann komst til valda þá er hann eins og  Dr. Jacel/Mr. Hyde sem er holdgerfingur eins í dag og annars á morgun.

Betra hefði nú bara verið að þessar hreinu meyjar hefðu bara haldið sig við stjórnarandstöðuna áfram og verið frekar fylgjandi Þjóðstjórn sem var það eina vitræna í stöðunni eftir að síðasta ríkisstjórn flosnaði upp.

Góða stundir.

[Jón Aðalsteinn Jónsson, 5.7.2009 kl. 13:42]

Það verður örugglega sett í kúrs í Stjórnmálafræði hvernig Samfylkinginn kemst upp með að vera aldrei í stjórn hún er bara ekki til. Þetta er snilldar taktik hjá þeim sennilega verður hún svo lögð niður þegar búið er að véla þjóðina í ESB og meðlimum hennar boðin góð störf í Brussel við að færa til skjalastafla á skrifborði og Jóhanna verður skipaður landstjóri eða kannski Jarl hver veit

[Guðjón Sigþór Jensson, 5.7.2009 kl. 13:46]

Steingrímur hefur sýnt mikið hugrekki í þessu Icesafe máli. Hann er bundinn skuldbingingum Davíðs og Árna Mathiesens en þeir undirrituðu yfirlýsingu um ábyrgðir í því skyni að aflétta hermdarverkalögunum. Bretar hafa yfirburðastöðu í þessu máli og samningsstaðan mjög þröng og erfið að sama skapi.

Þeir saem klúðruðu voru fyrst og fremst ráðamenn Sjálfstæðisflokksins. Þeim BAR að tryggja réttind Íslendinga áður en Björgúlfarnir efndu til Icesafe með þeim skelfingum sem við sitjum uppi með.

Uppákoma Davíðs og Agnesar í Morgunblaðinu er ómerkileg sögufölsun sem gengur ekki í þjóðina. Kannski að einfaldir sjálfstæðismenn taki hana góða og gilda.

Mosi

[Guðjón Sigþór Jensson, 5.7.2009 kl. 13:49]

Þá má ekki gleyma ábyrgð ykkar Framsóknarmanna á einkavæðingu bankanna og ákvörðun um byggingu Kárahnjukavirkjunar sem átti sinn þátt í kollsteypunni. Of hátt gengi krónunnar kom okkur í koll með fullum þunga. Hvert má senda ykkur reikninginn?

Mosi

[Sigurður Grétar Guðmundsson, 5.7.2009 kl. 15:35]

Mikill yfirgengilegur hræsnari ertu Hallur. Þú fylgir þar fast eftir foringja ykkar Framsóknarmanna, Sigmundi Davíð Gunnlaugssyni. Kom Framsóknarflokkurinn hvergi að einkavæðingu bankanna, var Halldór Ásgrímsson altarisdrengur í Landakoti, var Finnur Ingólfsson kúasmali í Mýrdalnum og er Ólafur Ólafsson fátækur bóndi í Borgarfirði?

Valgerður Sverrisdóttir líklega alla tíð fátæk og vinnusöm fiskverkakona á Grenivík, eða hvað?

[Einar Björn Bjarnason, 5.7.2009 kl. 16:07]

Heildar-Skuldir Íslands - 13.059 ma.kr.

Staðreyndin um heildar erlendar skuldir þjóðfélagsins, kemur fram á vef Seðlabanka Íslands: 1. ársfjórðungur 2009. Athugið, 13.059 milljarðar, eru heildarskuldir. Þessi upphæð skiptir þó máli. Nettóupphæðin, er 4.580 milljarðar, þegar reiknað verðmæti eigna upp á 8.479 milljarða hefur verið dregið frá.

"Hrein staða við útlönd var neikvæð um 4.580 ma.kr. í lok fyrsta árs¬fjórðungs og réttist af um rúma 131 ma.kr. frá síðasta fjórðungi. Erlendar eignir námu 8.479 ma.kr. í lok ársfjórð¬ungsins en skuldir 13.059 ma.kr."

Til að allt teljist rétt, ber að geta, inni í þessari tölu, eru skuldir þrotabúa gömlu bankanna, sem skýrir hrollvekjandi hæð heildarsummunnar, áður en eignir eru dregnar frá, en einnig Landsvirkjunar, Orkuveitunnar og sveitarfélaga.

Athugið þó, að hvergi kemur fram hjá Seðlabanka Íslands, hvernig skuldirnar skiptast á milli aðila, t.d. hvaða hlutfall telst til gömlu bankanna.

Einungis upphæðin, 4.580 milljarðar jafngildir u.þ.b. 3,5 þjóðarframleiðslum,,,þá hafa allar eignir verið dregnar frá. Upphæðin, 13.059 á móti jafngildir u.þ.b. 10 þjóðarframleiðslum.

Það sem þarf að hafa í huga, að í þessum eignum, upp á 8.479 milljarða er ekki einungis að finna, eignir sem tilheyra uppgjörum hrundu bankanna. Heldur einnig, Landsvirkjun, orkukerfið, flutningskerfi hitaveitunnar, Orkuveitan og önnur skild orkufyrirtæki, hafnir og önnur mannvirki í eigu ríkis og sveitarfélaga; sem fræðilega er allt hægt að selja til að minnka skuldir. En, "common" það vita allir, að slíkt kemur ekki til greina.

Raunverulega staðan, er því einhvers staðar á milli  4.580 milljarða eða 3,5 þjóðarframleiðsla; 13.059 eða 10 þjóðarframleiðsla. Það skiptir, ef til vill ekki meginmáli, hvort raunveruleg staða er 9.000 milljarða eða 6.000 milljarðar. Því, meira að segja, 4.580 eða 3,5 þjóðarframleiðslur, er of mikið.

Þetta er raunveruleg staða mála. Sannleikurinn, er kominn í ljós.

Icesave í samhengi erlendra skulda þjófélagsins

Skv. því sem ríkisstjórnin segir, sjá Lagafrumvarp um: Icesave

"Innlend skuldabréf 471 ma. kr. 33 % af VLF
Skuldir vegna tapaðra veðlána o.fl. 296 ma. kr. 21 % af VLF
Erlend lán (sjá að framan) 315 ma. kr. 22 % af VLF
Skuldbinding vegna Icesave 373 ma. kr. 26 % af VLF
Samtals 1455 ma. kr. 102 % af VLF"

Rétt er að taka fram, að útkoma upp á 373, úr Icesave uppgjörinu, er besta hugsanlega útkoma, eins og ríkisstjórnin setur þetta fram. Lagafrumvarp um: Icesave

"Eftir bankahrunið, eða í árslok 2008, voru skuldir ríkissjóðs 931 milljarður króna. Þar
munar mest um endurfjármögnun ríkissjóðs á Seðlabanka Íslands (270 milljarðar króna) vegna tapaðra veðlána bankans, aukna útgáfu ríkisbréfa og ríkisvíxla (181 milljarður króna) og lántöku vegna gjaldeyrisforða (130 milljarðar króna). Mat fjármálaráðuneytisins er að skuldirnar nái hámarki í árslok 2009 og hafi þá náð 1.810 milljörðum króna, sem svarar til um 125% af VLF. Þá hafa bæst við lán í tengslum við efnahagsáætlun stjórnvalda og Alþjóðagjaldeyrissjóðsins (338 milljarðar króna) og eiginfjárframlag til nýju bankanna (385 milljarðar króna)"

 Samkvæmt því, eru erlendar skuldir ríkisins: 315 + 375 (eða 415) + 130 +338 = 1.158

 Ef við leikum okkur með tölur. Þá er 4.580 - 1.158 = 3.422  (2.63 þjóðarframleiðslur) eða 13.059 - 1.158 = 11.901 (9,15 þjóðarframleiðslur).

Erlendar skuldir, aðrar en skuldir ríkisins, skipti ekki máli?

Ríkisstjórnin, ætlar sem sagt, að láta eins og aðrar erlendar skuldir, en skuldir ríkisins, komi því ekkert við. Það er ástæða þess, að ríkið þykist geta haldið fram eftirfarandi:

Lagafrumvarp um: Icesave

"Í nýlegri úttekt hagfræðinga hjá Alþjóðagjaldeyrissjóðnum
er áætlað að skuldir ríkissjóðs hjá tíu ríkustu þjóðum G20 hópsins
verði að meðaltali 114% af VLF árið 2014 og að mögulega kunni þessi tala að vera svo há sem 150% af VLF. Þó eru þessar þjóðir ekki að takast á við nær algert kerfishrun, þ.e. hrun 90% bankakerfisins líkt og í tilfelli Íslands, né hrun bankakerfis sem skuldaði tífalda þjóðarframleiðslu landsins (um 13.600 milljarða króna). Í þessum samanburði er skuldastaða ríkissjóðs vel viðunandi, enda ljóst að þrátt fyrir umfang skulda bankanna og stærð hrunsins sker ríkissjóður Íslands sig ekki sérstaklega úr þegar kemur að skuld hans sem hlutfalli af VLF."

Þetta er ekkert minna, en helvítis þvæla. Hið fyrsta, er þegar komið í ljós, að raunverulegar heildarskurldir ríkisins, eru 2,5 þjóðarframleiðsla, en ekki 1,3. Í annan stað, er það einfaldlega rangt, að hægt sé að láta sem, aðrar skuldir þjóðarbúsins, komi ríkinu ekkert við.

• Skv. uppgjöri Landsvirkjunar, skuldar hún 2.975.269.000 dollara. Ríkið, er ábyrgt fyrir þessum skuldum, er Landsvirkjun lendir í vandræðum.
• Sveitarfélög, mörg hver, freystuðust til að taka erlend lán, í gróðærinu, og þau lán eins og önnur erlend lán, hafa hækkað mjög í krónutölu. Ef, sveitarfélög lenda í vandræðum, þá er ríkið einnig ábyrgt fyrir skuldum þeirra.
• Ríkið er ábyrgt, fyrir skuldum allra aðila í eigu þess. Auk þessa, hefur ríkið beint eða óbeint, nú tekið yfir fjölmörg fyrirtæki, sem álitin eru of mikilvæg fyrir þjóðarbúið til að hrynja og er þá einnig orðið ábyrgt fyrir skuldum þeirra, þó svo að ekki sé gert ráð fyrir þeim ábyrgðum, í framsetningu ráðherra á skuldum ríkisins.

Síðast en ekki síst, þá þurfa þeir sem skulda þær óhemju erlendu skuldir þjóðarbúsins, að borga af þeim með gjaldeyri.

Þessir aðilar, eru því að keppa við ríkið, um þann gjaldeyri sem eftir verður, þegar búið er að gera ráð fyrir nauðsynlegum innflutningi.

Hvernig, ætlar ríkið að fara að því, að tryggja sér nægan gjaldeyri fyrir sig, þegar aðrir hafa einnig á sama tíma svo ríka þörf fyrir hann?

Greiðslubyrði af Icesave vs. greiðslubyrði almennt af erlendum skuldum

Lagafrumvarp um: Icesave

"Tafla 3: Afborganir og vextir af skuldum ríkissjóðs
Ár         Erlendar skuldir Icesave Innlendar skuldir Samtals
2009           9,2%                                    5,6%           14,8%
2010           3,2%                                    4,5%            7,8%
2011         18,7%                                    4,8%          23,5%
2012           8,9%                                    4,8%          13,7%
2013           7,5%                                    4,5%          12,0%
2014           6,1%                                    4,3%          10,3%
2015           5,4%                                    4,0%            9,4%
2016           4,1%             3,7%               3,8%           11,6%
2017           3,4%             3,6%               3,6%           10,6%
2018           3,0%             3,5%               3,4%            9,8%
2019           2,7%             3,3%               3,2%            9,2%
2020           2,4%             3,2%               3,0%            8,5%
2021           2,1%             3,0%               2,8%            8,0%
2022           0,0%             2,9%               2,7%            5,6%
2023           0,0%             2,7%               2,6%            5,3% "

Vert er að muna, að erlendar skuldir þjóðarbúsins, eru einungis 1/3 af nettó heildarskuldum þjóðarbúsins, við útlönd. Þannig, að ef við miðum við heildar nettó skuldir þess, 4.580 milljarðar króna, þá þarf að margfalda skuldbirði með tölunni 3(við skulum þó, taka fyrst meðaltal af skuldabyrði ríkissjóðs, áður en við margföldum). Ef við, miðum við brúttóskuldir þjóðarbúsins, 13.059 milljarða króna, þá þarf að margfalda greiðslubyrði með tölunni 10. Sannleikurinn, er einhvers staðar þarna á milli, þ.s. inni í brúttó-heildar skuld þjóðarbúsins, eru margar eignir sem ekki er þjóðarvilji til að selja, sbr. Landsvirkjun, dreifikerfi hita og rafmagns, samgöngumannvirki, o.flr. Þetta er þ.s við stjórnar-andstæðingar, meinum, þegar við segjum skuldabirði, of mikla.

Samkvæmt skrifum Gylfa Magnússonar sjálfs, er greiðslubyrði Icesave í besta fallu 1,6% upp í mesta lagi 6,8% af útflutningsekjum landsmanna. Hafa skal í huga, að þá miðar hann við að 75% greiðist upp, þannig að eftir verði 415 milljarðar. Þetta er sem sagt, greiðslubyrðin, af einungis, 415 milljörðum í erlendri mynnt.

4.580 / 415 = 11 Þannig, að 415 milljarðar, eru einungis 1/11 af heildar-nettó-skuldum þjóðfélagsins.

13.059 / 415 = 31.5 Þannig, að 415 milljarðar eru 1/31,5 af heildar-brúttó-skuldumþjóðarbúsins.

Ef einhver kærir sig um, að útskýra hvernig, Íslendingar eiga að fara að því, að standa undir þessu, þá er viðkomandi það heimilt.

Einungis, með því að láta sem, einungis skuldir ríkisins, skipti máli, er hægt að láta sem að hlutir séu viðráðanlegir. En, þegar haft er í huga, að einnig þarf að borga af öðrum skuldum þjóðarbúsins. Að þær skuldir, eru einnig að keppa um þann gjaldeyri, sem verða mun fyrir hendi. Að, sá gjaldeyrir, verður mjög takmörkuð auðlind. Þá, sést, að við Íslendingar erum, komnir í fullkomlega óviðráðanlegt fen.

Einnig, Íslenska ríkið er ekki sjálft að flytja út vörur og þjónustu, heldur aðrir. Með hvaða hætti á að færa gjaldeyri frá einkaaðilum til ríkisins? Á að gera það með sköttum? Á að gera það með gjaldeyrishöftum og skilaskyldu? Á að koma á innflutningshöftum í því skyni að auka hagstæðan viðskiptajöfnuð? Hvernig á að standa við fyrirliggjandi Icesave-samkomulag og aðrar erlendar skuldir, nema með öðrum erlendum lántökum?

Halli á Þáttatekjum 

Þjóðarbúskapurinn, áætlun til 2014: Vorskýrsla 2009

Viðskiptajöfnuður, % af VLF
2008                          -23,3
2009 - 2014                 -1,2
2011                             -1,1
2012                             -2,1
2013                             -1,2
2014                             -1,1

Ég vek athygli, á þessari töflu, þ.s. að ef áætlun þjóðhagsreikninga stenst, þá er enginn afgangur af viðskiptajöfnuði Íslands, fyrir allra næstu ár. Þvert á móti, erum við í mínus.

Þáttatekjur samanstanda af hlutabréfaeign og skuldabréfaeign ríkissjóðs. Nú, er heildartap af því dæmi, og fyrirsjáanlega áfram; og það stórt, að jákvæður annars vöruskiptajöfnuður verður neikvæður, fyrir næstu ár. 

Þar virðist ráða um, halli á fyrirtækjum í eigu hins opinbera; þ.e. halli á bönkunum, en einnig halli af öðrum - svokölluðum þjóðfélagslega mikilvægum fyrirtækjum - sem ríkið hefur tekið yfir, til að halda þeim gangandi. Hvað bankana varðar, stafar hallinn af því, að eignir eru mest í erlendum gjaldeyri á meðan að skuldir eru mest í innlendum. Þetta er ekki enn leyst, en er hugsanlegt að verði.

En, einnig er stór hluti í "þáttatekjuvandamálinu"tap af skuldabréfum, þá einkum svokölluðum "krónubréfum".

Þetta vandamál, sannarlega getur minnkað, þegar heimskreppan endar, þegar hún þá endar, og þá getur neikvæð ávöxtun orðið jákvæð.

Þessi, halli hlýtur þó frekar augljóslega, vera ógnun við greiðslustöðu landsins, gagnvart útlöndum til 2014 - hið minnsta.

Niðurstaða

Þegar heildarskuldir þjóðarbúsins, eru hafðar í huga, þá kemur í ljós að erlendar skuldir Íslendinga, eru fullkomlega óviðráðanlegar.

Hvað er þá til ráða?

• Við getum ekki samþykkt Icesave samning þann, sem ríkisstjórnin hefur gert við Breta og Hollendinga.
• Ísland, er þegar galdþrota, best að viðurkenna þá staðreynd hið fyrsta, og leita nauða samninga eða til vara, að lýsa yfir greiðsluþroti þ.e. "default".
• Gjaldþrot, er ekki endir alls; við getum samt flutt út fisk, áliðnaðurinn starfar áfram, ferðamenn halda áfram að koma til landsins. Ríkið, getur því staðið undir, umtalsverðri starfsemi innanlands. Á móti kemur, að allan innflutning mun þurfa að staðgreiða. Það getur valdið skorti á því sem er ekki framleitt hér; því að sjálfsögðu mun olía, bensín, lyf og þessháttar, njóta forgangs.

Best er að taka á þessari stöðu, hið fyrsta, því að allar viðbætur á núverandi skuldastöðu gera einungis íllt verra.

Kv. Einar Björn Bjarnason, stjórnmálafræðingur og Evrópufræðingur.

[Guðni Ágústsson (IP-tala skráð) 5.7.2009 kl. 16:48]

Afsaskðu, Einar. Ég sofnaði.

[Óskar Þorkelsson, 5.7.2009 kl. 17:35]

ja hérna Sveinn Elías... rólegur í yfirlýsingum þínum.

[Hallur Magnússon, 5.7.2009 kl. 17:35]

Sveinn Elías!

Er ekki allt í lagi?

[Kjartan Björgvinsson, 5.7.2009 kl. 18:41]

Þó svo að mér misbjóði málflutningur Sveins Elíasar, þá held ég að það sé augljóslega hægt að svara þér Hallur að það er alls ekki allt í lagi, lestu bara athugasemd Einars Bjarnar.

[Sigurður Sigurðsson, 5.7.2009 kl. 20:13]

Steingrímur er fífl. Hann ætlar að hækka brennivínið! Margur hefur verið skotinn af minna tilefni. Niður með Steingrím! Og hik, hana nú!

Skattagrímur skammar menn
á skellir toll á vínið.
Ég tel mig hafa timburmenn
af tilhugsun um svínið.

[Sigurður Sigurðsson, 5.7.2009 kl. 20:15]

Titrandi af reiði (var að frétta þetta með vínið) gerði ég innsláttarvillu. En síðan fékk ég mér einn snafs og sá það um leið og bæti nú um betur.

Skattagrímur skammar menn
og skellir toll á vínið.
Ég tel mig hafa timburmenn
af tilhugsun um svínið.

[Sigurður Sigurðsson, 5.7.2009 kl. 20:16]

Menn mega hafa Skallagrímur í stað Skattagrímur ef þeir vilja.

[Sigurður Sigurðsson, 5.7.2009 kl. 21:45]

Hvurt þó í logandi. Skattagrímur er búnað lækka ellilífeyrinn minn líka. Þetta er nú meiri ósvífnin. Maður má ekki bregða sér úr landi í nokkra mánuði án þess að allt fari til fj...

[Atli Víðir Arason, 6.7.2009 kl. 08:56]

Já það má lengi deila um hverjir beri mesta ábyrgð á IceSave, Steingrímur getur þó ekki neitað ábyrgð á því að senda Svavar Gestsson í þessa samninga, hann tók þann pólinn í hæðina að senda vin sinn frekar en að finna sér góða samningsmenn, ég hefði verið til í að fá menn við samningsborðið sem hefðu samið en ekki bara skrifað uppá það sem Bretar réttu þeim ..en ætli það sé ekki of seint nuna? og Bretar hlægja sig máttlausa yfir heimskunni í okkur

[Hallur Magnússon, 6.7.2009 kl. 11:59]

Sveinn Elías Hansson!

Er ekki allt í lagi!

Þú mátt mín vegna halda áfram dónaskap og ljótu orðbragði. Það kemur þér verst.

En ég bið þig að ljúga ekki upp á mig. Þar liggja mörkin.

Ég hef aldrei ritskoðað athugasemdir við færslur mínar. Aldrei.

Það er málfrelsi í landinu - málfrelsi sem ég hef barist fyrir með kjafti og klóm. Reyndar hefur málfrelsið oft verið fyrst til að fjúka þegar öfgamenn til hægri og vinstro hafa komist til valda. Svo er hins vegar ekki á Íslandi - þótt málfrelsið fari stundum í taugarnar á Steingrími J. og Jóhönnu eftir að þau tóku við stjórnartaumunum - þá munu þau bæði verja málfrelsið með kjafti og klóm - ef ég þekki þetta sómafólk rétt. Sem ég reyndar þekki bara nokkuð vel!

Sveinn Elías Hansson!

Ég hef aldrei átt við athugasemdir þínar - þú veist það vel!

Skammastu þín fyrir slíkar lygar.

[Einar Björn Bjarnason, 6.7.2009 kl. 12:59]

"Það mætti halda af málflutningi síðueiganda að framsóknarflokkurinn hafi verið stofnaður  eftir kosningarnar 2007."

Eigum við þá, að lita svo á, að ekkert hafi í reyn breyst, að þetta hafi alltaf verið í reynd, sami flokkurinn undir mismunandi nöfnum:

Vinstri-Gænir - Alþýðubandalagið - Vinstri-Sósíalistaflokkurinn - Kommúnistaflokkurinn.

Cirka, álíka sanngjarnt, og halda því fram, að engin munur sé á Framsókn, fyrir og eftir þá byltingu sem átti sér stað innan flokksins, í Janúar síðastliðnum.

Kv.

[Ólafur Gíslason, 6.7.2009 kl. 15:34]

Hvar er Jóhanna Sigurðardóttir?  Hefur einhver séð hana síðustu vikurnar?

[Hallur Magnússon, 6.7.2009 kl. 16:04]

Taskan hennar hefur sést!

[Guðjón Sigþór Jensson, 7.7.2009 kl. 08:45]

Til nokkurra nöldrara:

Mætti biðja um að færa umræðurnar upp á hærra plan?

Mosi