Steingrímur J að svíða Árna Pál fyrir að vinna vinnuna sína betur en hinir ráðherrarnir?

Svo virðist sem Steingrímur J fjármálaráðherra sé að svíða Árna Pál Árnason félagsmálaráðherra fyrir það að vinna vinnuna sína betur en hinir ráðherrarnir - en eins og menn vita þá var Árni Páll eini ráðherrann sem gekk í það af krafti að vinna sársaukafullar tillögur um sparnað í sínum málaflokki - meðan aðrir virðast ekki hafa gert neitt.

Í stað þess að byrja niðurskurð í lúxusráðuneytunum - eins og utanríkisráðuneytinu og menningarmálaráðuneytinu - þá leggur Steingrímur J. fram frumvarp um afar sársaukalausan niðurskurð á fjárframlögum til aldraðra og fatlaðra - á meðan silkihúfurnar í utanríkisráðuneytinu og menningarvitarnir í menningarmálaráðuneytinu halda áfram að fitna eins og púkinn á fjósbitanum.

Reyndar einnig í atvinnuskapandi verkefnum í samgöngumálum - eins "skynsamlegt" og það nú er.

Var að horfa á Kastljósið þar sem Árni Páll mætti öðrum manni sem hafði unnið heimavinnuna sína á sínum tíma og sett fram nauðsynlegar - en sársaukafullar tillögur um sparnað - og reyndar gáfulegar tillögur um skipulagsbreytingar - Guðlaug Þór fyrrum heilbrigðisráðherra.

Þeir félagarnir voru nokkuð sammála um nauðsyn þess að draga úr ríkisútgjöldum þótt það væri sársaukafullt - enda báðir búnir að gera tillögur um slíkt.

Það er afar blóðugt að sjá þá félaga sem "vondu" kallana í erfiðu ástandi - bara fyrir það að vinna vinnuna sína samviskusamlega - meðan aðrir ráðherrar - núverandi og fyrrverandi sleppa fyrir horn með aðgerðarleysi og hugleysi sitt.

Svo er nú það!

ÖBÍ: Siðlaus tekjulækkun

Athugasemdir

[Hallur Magnússon, 19.6.2009 kl. 21:13]

Jón!

Rétt hjá þér. Það ættu að vera fyrstu skref - en ekki sparnaður á kostnað aldraðra og fatlaðra - þótt þar þurfi að hagræða eins og annars staðar.

[Almennur borgari (IP-tala skráð) 19.6.2009 kl. 21:22]

Eru þeir ekki "vondu kallarnir"?  Hef ekki mikið traust á þeim, sorry.  Og ógeðfellt hvað ríkisstjórnin hefur þjálfaða hæfni í að trampa ofan á þeim sem síst geta varið sig.   Enda mannréttidni aldrei verið í hávegum höfð í Okurlandi.  Já, núna skal níðast á eldri borgurum eina ömurlega ferðina enn.  Og auðmanna-skrímslin halda enn stolnu innistæðunum og kastölunum.

[Valsól (IP-tala skráð) 19.6.2009 kl. 21:44]

Finnst þér það vera að vinna vinnuna sína að ráðast á þá sem minnst hafa? Það var framsóknarmanni líkt.

[Hallur Magnússon, 19.6.2009 kl. 23:28]

Valsól!

Það var svo sem að þú snerir út úr því semég er að segja.

Málið var einfaldlega þannig að ráðherrar ríkisstjórnarinnar fengu það verkefni að spara í sínum ráðuneytum. Árni Páll fór í þá vinnu og kláraði hana. Aðrir ráðherrar Samfylkingarinnar fetuðu í hefðbundin  fótspor Jóhönnu og gerðu ekki neitt í sparnaði - og sögðu - ég ætla ekki að draga úr útgjöldumhjá mér.

Í stað þess að herða á kröfu  um sparnaði td. í utanríkisráðuneytinu - þá voru tillögur Árna Páls - sem ætlaðar voru til sparnað í heildst´æðum pakka þar sem ALLIR væru að spara - teknar og settir í framkvæmd - en tossarnir veerðlaunaðir fyrir aðgerðarleysið.

Vertu svo ekki að blanda Framsókn í þetta - Framsókn hefði aldrei látið lúxusráðuneytin og silkihúfurnar komast upp með það að spara ekki - en  láta velferðarráðuneytin blæða. Ekki gleyma að í tíð Framsóknar var mikið aðhald í félgs- og heilbrigðisráðuneytum - en samt mikil raunaukning fjárframlaga til heilbrigðismála! Mikil.

[Magnús Helgi Björgvinsson, 20.6.2009 kl. 08:36]

Það eru öll ráðuneyti að skera niður og þetta er ekki rétt hjá þér Hallur með luxusraduneyti. Sbr frétt af www.pressan.is

"Segir í tilkynningu frá ráðuneytinu að á næsta ári skeri utanríkisráðuneytið niður rekstrarútgjöld um 10% til viðbótar áður ákveðnum sparnaði.   Þá segir í tilkynningunni:

„Einnig er tilkynnt um 190 m.kr viðbótarsparnað vegna yfirstandandi árs. Hafa ber í huga að nálægt 3/4 hlutar útgjalda utanríksráðuneytisins eru í erlendri mynt og er ráðuneytið því viðkvæmara fyrir áhrifum gengisbreytinga en annar rekstur hins opinbera.

Meðal þess sem nú skorið er niður eru framlög til Varnarmálastofnunar Íslands en ætlunin er að leggja stofnunina niður í núverandi mynd, án þess þó að niðurskurður bitni á varnar- og öryggisskuldbindingum Íslendinga.“

Þá segir að verulega verði dregin saman framlög til þróunarsamvinnu og friðargæslu meðan Íslendingar gangi í gegnum efnahagslega þrengingar en aukið verði við það að nýju þegar efnahagslífið verði komið á réttan kjöl.  Þá segir:

„Sendiskrifstofum verður enn fækkað á þessu ári og því næsta jafnframt því sem starfsliði verður fækkað. Þá verður búið að loka, eða taka ákvarðanir um lokun á sjö sendiskrifstofum á árinu. Ákveðið hefur verið að selja embættisbústaði í New York, London, Washington, Ottawa og Tókíó og andvirði þeirra lagt í ríkissjóð. Þá mun fækka nokkuð í hópi sendiherra og nýir
verða ekki skipaðir í staðinn um sinn.“

[Sigurður #1 (IP-tala skráð) 20.6.2009 kl. 10:37]

Magnús Helgi Björgvinsson.

Þessi frétt er um niðurskurð á næsta ári, að bíða til næsta árs, táknar bara að það þarf að skera enn meira niður þá, og greiða enn hærri vexti af lánum.

Það eru endalausir möguleikar til að skera niður strax í dag, og sleppa skattahækkunum sem koma lóðbeint inn á höfuðstól verðtryggðra okurlána

Það er eins og stjórnin stefni markvisst á að drepa hér niður allt líf, bæði í fyrirtækjunum og heimilum.

Nú þegar hafa lánin rokið upp en fasteignaverð hrynur, matvara hækkað um 30%, launin hrunið, og skattar hækkaðir að auki.

Það er alveg sama hvernig á það er litið, þetta getur aldrei gengið upp, meirihluti þjóðarinnar verður gjaldþrota á næstu mánuðum, hvort skyldu þær fjölskyldur flytja úr landi, eða byrja upp á nýtt í sama landinu, með sömu stjórnsýslu og sama kerfi og setti þau í þrot í dag...?

Og ég minni á það að þeir sem bera alla ábyrgð á hruninu, ganga allir lausir og lifa lúxuslífi um allan heim. Saksóknarinn lísti því yfir í vikunni að ekkert tilefni væri til að frysta eigur ennþá.

(enda er ríkið ennþá að klára að hirða okkar eigur.)

[Almennur borgari (IP-tala skráð) 20.6.2009 kl. 12:12]

Og niðurstaðan er að það er ekki búandi í Okurlandi.  Fólk mun flýja Okurland í stórum stíl.