Jóhanna fundin - en afar hissa á ástandinu!

Það kemur á óvart að það komi Jóhönnu á óvart hversu alvarlegir erfiðleikar ríkis og sveitarfélaga eru. Reyndar kemur það kannske ekki svo á óvart ef rýnt er í einræðu Jóhönnu undarfarnar vikur því þá má sjá að hún hún hefur alltaf haldið að unnt væri að stöðva slagæðablæðingu íslenska efnahagslífsins með smáplástrum.

Ætli það komi Jóhönnu einnig á óvart hversu illa fyrirtæki og heimili standa í kreppunni?

Ef tekið er mið af afneitun Jóhönnu á róttækum en raunhæfum efnahagstillögum Framsóknar þar sem meðal annars er lagt til að lán heimila og fyrirtækja verði leiðrétt með niðurfærslu lána um 20% - þá má búast við svipaðri yfirlýsingu Jóhönnu þegar hún fattar vanda heimila og fyrirtækja.

Við skulum vona að Jóhanna bregðist hratt við og nýti sér vel það svigrúm sem hún hefur meðal þjóðarinnar sem samkvæmt skoðanakönnunum styðja hana og vilja gefa henni séns á að takast á við vandamálin.

Ég er reiðubúinn að aðstoða Jóhönnu í þeim slag!

Þyngri róður en áætlað var

Athugasemdir

[JR (IP-tala skráð) 2.6.2009 kl. 22:18]

Hallur !

Eru þið framsóknarmenn ekki orðnir þreyttir á sandkassaleiknum ?

Eina sem þið uppskerið , það nennir engin að hlusta á ykkur ?

Reynið eitthvað uppbyggilegt !

Annars máttu segja okkur frá kosningu hjá Reykjavíkurborg ?

[Hallur Magnússon, 2.6.2009 kl. 22:48]

Þegar Jóhanna var í sandkassaleik - þá var talað um ábyrga stjóranrandstöðu. Þegar ráðaleysi Jóhönnu er teiknað upp - þá heitir það sandkassaleikur!

[JR (IP-tala skráð) 2.6.2009 kl. 22:55]

Hallur !

Var það ekki ætlunin hjá framsóknarflokknum að vera ferskur og vera nýr ?  Þið sögðuð í aðdraganda kosninga að þið væruð með nýtt fólk, sem ætlaði að gera hlutina öðruvísi ?  Þess vegna minnist ég á sanskassaleikin !  Þetta er bara sami gamli framsóknarflokkurinn með sömu gömlu lummurnar !   Eins sem þið hafið gert er að kvarta !

Þú spyrð :  ,,Ætli það komi Jóhönnu einnig á óvart hversu illa fyrirtæki og heimili standa í kreppunni?"

Ég er alveg viss um að þetta kom þér líka á óvart, eða hvað ?

Vissuð þið framsóknarmenn hvað beið ykkar eftir stjórn með sjálfstæðisflokknum  og ósóman sem þið skópuð ?

[Hallur Magnússon, 2.6.2009 kl. 22:56]

Fattaði ekki strax hvað þú varst að tala um - kosningu hjá Reykjavíkurborg.

Kynjaskiptingin afar óeðlileg.

Fyrir okkur Framsóknarmennina - þá er Óskar ekki til skiptana - en að sjálfsögðu hefði Sjálfstæðisflokkurinn átt að setja amk. eina konu í borgarráð. Svo hefði líka verið gaman að fá Sóleyju Tómasdóttur í borgarráð í stað Svandísar!

[Óskar Þorkelsson, 2.6.2009 kl. 23:48]

Svo hefði líka verið gaman að fá Sóleyju Tómasdóttur í borgarráð í stað Svandísar!

Hvað hefði verið svona gaman við það að fá öfgamanneskju í stað alvöru stjórnmálamanns ?

[Hallur Magnússon, 3.6.2009 kl. 08:15]

Óskar!

Ekki missa húmorinn.

[Óskar Þorkelsson, 3.6.2009 kl. 11:16]

uff ég hafði áhyggjur af þér í smá stund Hallur :) takk fyrir ða leiðrétta miskilningin.