Ætti að leggja niður háskólana í Oxford og Harvard?

Væri ekki réttast að leggja niður dreifbýlisskólana í Oxford og Harvard sem sjálfstæða háskóla og gera þá að dreifbýlisútibúum fyrir háskóla í London og San Fransisco?

Ætti ekki að gera alla háskóla í Evrópu einsleita hálfríkisrekna háskóla?

Það sýnist mér að yrði niðurstaða nefndar "alþjóðlegra sérfræðinga" sem hafa skilað tillögum um "endurskipulagningu" háskólakerfisins á Íslandi ætti nefndin að vera sjálfri sér samkvæm.

Vænti þess að menntamálaráðherra átti sig á ranghugmyndunum - þótt þær kunni að spara peninga - sem ég er reyndar efins um.

Mæla með tveggja háskóla kerfi

Athugasemdir

[Jón Tynes (IP-tala skráð) 26.5.2009 kl. 00:43]

Sæll Hallur.

Nú vandast málið hjá 300þús manna  þjóð sem er því sem næst á brauðfótum fjárhagslega. Vandast málið segi ég því nú byrjar hagsmunatog þegar skera á niður í ríkisfjármálum. Þá gildir einu hvað menn aðhafast í útlöndum, heldur gilda aðstæður hérlendis.

Mikilvægt er aðskilja bráðalausnir og framtíðarlausnir. Það er vissulega réttlát spurning hvort við höfum efni á að reka 5-6 háskóla. Því það fylgir því alltaf ákveðinn kostnaður við sjálfstæði, hvort skólinn er lítill eða stór.

Á sama hátt er það spurning hvort við höfum efni á að reka núverandi stjórnsýslu óbreytta. Þá á ég við ríki, sveitarfélög og þær ýmsu stofnanir sem þeim tilheyra og nú eru reknar. Á næstunni mun eiga sér veruleg átök um hvar á að skera og hvar ekki.

Til langframa finnst mér að leggja eigi niður; kjördæmi, sveitarfélög, Alþingi, stjórnarráð og allt tilheyrandi,  í núverandi mynd. Síðan á að endurraða þessu í stjórnkerfi í samræmi við þarfir 3-500 þús manna samfélags. Endurnýjunin á að byggja á nýrri stjórnarskrá sem þjóðin gefur sjálfri sér.

Kv. JAT

[Guðmundur (IP-tala skráð) 26.5.2009 kl. 00:56]

Málið er að íslenska kerfið er fremur heimskulega á skjön við það sem gerist í öðrum löndum, og það er hugsanlega að rugla erlendu sérfræðingana. Í öðrum löndum er skólum á "háskólastigi" skipt í tvennt: "university" og "college", þar sem "university" nær yfir háskóla með mörgum deildum sem sinna rannsóknum og "college" nær til sérhæfðari skóla með færri (ef nokkrum) deildum þar sem rannsóknir. Hér á landi er HÍ eina menntastofnunin sem með sanni er hægt kalla "university", deildaskipt menntastofnun á háskólastigi þar sem rannsóknir eru þungamiðjan. Að enginn greinarmunur sé gerður á þessu tvennu í íslensku skólakerfi er út í hött.

[Guðmundur Auðunsson, 26.5.2009 kl. 11:04]

Það virðist ákveðins misskylnings gæta hjá þér. Í fyrsta lagi er Oxford "hálfríkisrekinn skóli" eins og þú orðar það. Í öðru lagi búa fleiri í Oxford en á öllu Íslandi, þannig að varla má kalla skólann "sveitaskóla". Harward er í úhverfi stórborgarinnar Boston, bæ á stærð við Reykjavík eða svo, þannig að varla má líkja Cambridge, MA við Bifröst. Svo er enginn að tala um að loka háskólasetrum, heldur skerfa niður í yfirbyggingunni. Bifröst gæti t.d. vel starfað í samvinnu við önnur háskólasetur.

[Soffía (IP-tala skráð) 26.5.2009 kl. 13:08]

´Þessar tillögur eru mjög skynsamlegar. Hef reyndar haldið því fram lengi að fáránlegt sé að reka sérstaka háskóla á stöðum eins og Bifröst eða Akureyri sem í raun réttri eru eins og Guðmundur bendir á hér að framan aðeins "college" en ekki fullgildir háskólar. Því fer vel á því að hafa þessa smærri skóla sem nokkurskonar útibú af stærri háskólum sem hljóta óhjákvæmilega að vera á Höfuðborgarsvæðinu. Fræðilega séð finnst mér það mjög skynsamlegt - held að það hljóti að vera akkur í því fyrir nemendur og kennara smærri skóla að eiga aðgang að stærra og meira batteríi og ekki er verra ef með því mætti spara ríkinu einhverjar krónur.

[Baldur Hermannsson, 26.5.2009 kl. 15:13]

Mjög góðar tillögur. Villigróður háskólanna er bæði ferlega kostnaðarsamur og óskilvirkur. Partur af því sem "kennt" er, er á framhaldsskólastigi og gráðurnar húmbúkk.

[Benedikt V. Warén, 26.5.2009 kl. 15:45]

Þetta eru "brilliant" tillögur.  Legg til að það verði einn háskóli í Reykjavík.  Hætta með háskóla Reykjavíkur og láta hann renna að mestu inn í Háskóla Íslands og eftir atvikum inn í aðra háskóla.  Og annar á Akureyri, sem sameinaði alla hina landsbyggðaháskólana undir hinn háskólann.  Breyta síðan því, sem er verið að byggja í Nauthólsvíkinni vegna háskóla Reykjavíkur og nota þá byggingu sem flugstöð í innanlandsflugi, eins og Sturla Snorrason hefur nokkrum sinnum bent á.

http://midborg.blog.is/blog/midborg/entry/844648/

http://midborg.blog.is/users/04/midborg/img/pict0028.jpg

[Gísli Gunnlaugsson (IP-tala skráð) 26.5.2009 kl. 16:14]

Mér þætti forvitnilegt að vita hvernig stjórnvöld höfðu upp á kanslara Åbo Akademi til að komast að því að það væri hagkvæmt að flytja alla ríkisstarfsemi til Reykjavíkur, því þar eru flestir íbúarnir.  Svona útreikninga er búið að stunda á Íslandi hátt í hundrað ár og nú er svo komið að nánast allir íbúarnir eru fluttir til Reykjavíkur.  Við getum svo framreiknað þessa formúlu þannig að þegar við verðum orðin hluti af evrópska sambandsríkinu komast menn að því að það verður gríðarlega hagkvæmt að leggja íslensku háskólana tvo undir Álaborgarháskóla og sparnaðurinn og gleðin mun skína úr andlitum allra Íslendinga.  Ég veit ekki afhverju þurfti að fá kanslara frá Åbo til að koamast að þessu þrugli.