Jóhanna afhjúpaði algjört ráðaleysi ríkisstjórnarinar.

Jóhanna Sigurðardóttir afhjúpaði algjört ráðaleysi ríkisstjórnarinnar í "stefnuræðu" sinni á Alþingi í kvöld. Í ræðu hennar kom ekki fram ein hvað þá vísbending um eina einustu aðgerð ríkisstjórnarinnar. Ræðan var nánast innantómt blaður um erfiðar aðstæður og erfiðleika fjölskyldnanna - en ekki orð um lausnir!

Það sem nær því næst að vera lausn var sýn Jóhönnu á að aðild að Evrópusambandinu gæti leyst einhvern vanda. Ég er reyndar sammála henni í því - en það þarf metta til.

Þá má ekki gleyma því að hinn flokkurinn í ríkisstjórn vill ekki í Evrópusambandið þannig að "lausnin" er í raun ekki lausn þessarar ríkisstjórnar!

Það er því að sannast sem ég óttaðist - að þótt inn á milli séu öflugur ráðherrar í ríkisstjórninni - þá dugir það ekki til. Við sitjum uppi með algjörlega ráðþrota ríkisstjórn - og kjörtímabilið vart hafið!

Mér fannst það hins vegar grátbroslegt að Jóhanna lagði til að þingmenn reyni að vinna saman sem ein heild og virða skoðanir hvers annars.

Það vantaði illilega á það í 80 daga valdatíð núverandi stjórnarflokka - og ég á eftir að sjá Jóhönnu vinna eftir þessu prinsippi eftir áratuga setu á Alþingi - en vonandi fylgir hugur máli hjá henni!

Hljótum að vinna saman

Athugasemdir

[Tobbs (IP-tala skráð) 18.5.2009 kl. 20:57]

Það var merkilegt hvað Jóhanna talaði mikið um ESB en Steingrímur J sagði ekki eitt orð varðandi málið! Þetta fólk er í forystu í ríkisstjórn og greinilega er áherslumismunur mjög mismunandi. Ég hef ENGA trú á því að þessi stjórn eigi eftir að lifa lengi.

p.s. djö var Sigmundur góður!

[Jón Valur Jensson, 19.5.2009 kl. 01:38]

Guðmundur nokkur, flokksmaður Halls, átti þarna snjalla jómfrúrræðu, snarpa og afhjúpandi um ráðaleysi Jóhönnu, og er sá Steingrímsson ráðherra Hermannssonar ráðherra Jónassonar, hvorki meira né minna.

[Hallur Magnússon, 19.5.2009 kl. 08:08]

Björn.

getur þú bent mér á eina lausn sem Jóhanna benti á í ræðu sinni?

[Þórbergur Torfason, 19.5.2009 kl. 11:45]

Það er erfitt að segja opinberlega hverjar lausnirnar eru helstar. Þær felast mestanpart í uppboðum á húðstrýkingum á útrásarvíkingunum.

Bretar eru tilbúnir að veðja á hvað hver og einn af útrásarvíkingunum þolir mörg vandarhögg áður en hann játar hvar góssið er grafið. Ég hef heyrt allt upp í 500 pund í afslátt á hvern Icesavereikning fyrir höggið. Sumir Bretarnir hafa jafnvel gengið svo langt að lofa niðurfellingu skuldarinnar ef viðkomandi víkingur játar að vera í systurflokki Verkamannaflokksins breska.

Einhverjusinni hélt íslenskur þingmaður mikla ræðu um systurflokk sinn á Englandi. Man nokkur eftir þessari snjöllu ræðu Guðna Ágústssonar?