Hræsnarinn Dagur B. Eggertsson og vinir hans á visir.is

Hræsnarinn Dagur B. Eggertsson - sem hefur á undanförnum vikum skrópað í borgarráði en samt þegið fyrir það há laun - hefur enn einu sinni tekið saman höndum við vini sína á www.visir.is - væntanlega fyrrum formann Ungra jafnaðarmanna sem hefur unnið flestar neikvæðar "fréttir" um meirihluta Sjálfstæðisflokks og Framsóknarflokks á undanförnum mánuðum - og reynir að gera eðlilega stjórnsýslu borgarstjóra tortryggilega - í "frétt" í kvöld.

Að venju er órökstuddum dylgjum Dags B. - sem er eins og alþjóð veit í hanaslag við helsta keppinaut sinn um formennsku í Samfylkingunni Árna Pál Árnason og þarf að gera sig gildandi til að tapa ekki fyrir Árna Páli - gert hátt undir höfði á www.visir.is .

Þar segir:

"Hanna Birna Kristjánsdóttir, borgarstjóri, neitar að tjá sig um arðgreiðslu Orkuveitunnar til Reykjavíkurborgar. Dagur B. Eggertsson, oddviti Samfylkingarinnar í borgarstjórn, segir að þetta sé ekki eina erfiða málið þar sem hún víkur sér undan svörum."

Hræsnarinn Dagur B. - sem er nú nýmættur í borgarráð að nýju og veit ekki hvað snýr upp eða niður í borgarmálunum þar sem hann var svo upptekinn að mynda ríkisstjórn á launum frá borginni og gat því ekki mætt í vinnuna - fær "fréttamann" á www.visir.is - væntanlega stuðningsmann sinn no. 1 -  fyrrum formann Ungra jafnaðarmanna sem starfar sem "fréttamaður" á visir.is - til þess að gera það tortryggilegt að borgarstjórinn hefur ekkert við það að bæta sem formaður Orkuveitu Reykjavíkur og bæjarstjórinn á Akranesi hefur þegar sagt um eðlilega aðgreiðslu til almennings í þeim sveitarfélögum sem eiga Orkuveituna. Aðgreiðslur sem nýtast til að verja grunnþjónustu sveitarfélaganna.

Ef fyrrum formaður ungra jafnaðarmanna væri alvöru blaðamaður - en ekki handbendi Dags B. - þá hefði hann spurt hvaða þætti í velferðarþjónustu Reykjavíkurborgar Dagur B. hefði viljað skera niður í stað eðlilegrar - hóflegrarar aðgreiðslu Orkuveitunnar til eigenda sinna almennings. En þess í stað heldur "blaðamaðurinn" - fyrrum formaður ungra jafnaðarmanna - áfram áróðursherferð þeirra félaga gegn farsælum meirihluta Sjálfstæðismanna og Framsóknarmanna í borginni.

Ef það er ekki fyrrum formaður ungra jafnaðarmanna semn skrifar - þá fellur staðgengill hans í mærðarskrifum um Dag B. í þá gryfju að vinna vinnuna sína ekki heiðarlega og vel.

Það er greinilegt að "blaðamaðurinn" og skróparinn í borgarráði telja að tilgangurinn helgi meðalið.

Athugasemdir

[Alma Jenny Guðmundsdóttir, 17.5.2009 kl. 01:55]

Þér finnst sjálfsagt í lagi Hallur að starfsfólk OR semji um launalækkun sem samsvarar 400 milljónum króna, til þess að fyrirtækið geti greitt 400 milljón krónur í arð ?

Þér finnst það sjálfsagt í lagi - en þú blandar hér saman tveimur algerlega óskiljanlegum málum - annars vegar því hvernig Dagur B. Eggertsson mætir í vinnuna og svo hins vegar því að blaðamenn á Vísi  spyrji borgarstjóra um arðgreiðslur OR.

Eins og þú getur stundum verið málefnalegur - þá geturðu einhvern veginn orðið svo barnalegur stundum !

[Hallur Magnússon, 17.5.2009 kl. 02:06]

Alma.

Finnst þér rétt að starfsfólk OR - sem er með meðallaun lngtumhærri en laun annarra starfsmanna Reykjavíkurborgar - eigi EKKI að taka á sig sambærilega skerðingu?

Finnst þér rétt að auka skattbyrði Reykvíkinga um hundruðir milljóna í stað þess að tryggja velferðarþjónustu með 800 milljóna arðgreiðslu frá OR - sem þó er 50% af því sem OR hefur greitt í arð til borgarinnar ALLTAF óháð niðurstöðu rekstrarreiknings.

Minni á að það fyrirkomulag var innleitt af R-lista DagsB.

Hvað varðar samvinnu Dags B. og fyrrum formanns Ungra jafnaðarmanna sem starfar sem "blaðamaður" á visir.is - þá vil ég benda á að visir.is spurði ekki nokkurn man - heldur VITNAÐi að venju GAGNRÝNILAUST í Dag b. - skróparann í borgarráði sem tók HÁ laun fyrir fjarveru sína.

Eins og þú getur oft verið með málefnalegar athugasemdir - þá getur þú einhvern vegin blindast af hræsnaranum Degi B.

[Páll Geir Bjarnason, 17.5.2009 kl. 03:44]

Óttalegur grátur er maður. Hefur þú aldrei getað sinnt tveimur verkefnum í einu? Hefur þú aldrei unnið í teymi þar sem starfandi fulltrúar liðka fyrir hver öðrum og sjá um að upplýsingaflæði sé virkt?

[Kárinn (IP-tala skráð) 17.5.2009 kl. 04:26]

Ánægður með Hall sem bendir réttilega á samsæri gegn öllum öðrum flokkum en samfylkingu á visi.is. Verst að Hallur sá þetta ekki þegar flokkurinn var í samstarfi við sjálfstæðisflokkinn. Verst að Hallur var ekkert að hafa áhyggjur af ástandinu fyrr en allt fór á versta veg. Verst að Hallur mótmælir bara af pólitískum ástæðum. Annars væri mark takandi á honum.

[Guðbjörn Guðbjörnsson, 17.5.2009 kl. 08:59]

Hallur:

Ég hef tekið eftir því að margir meðlimir Framsóknar- og Sjálfstæðisflokksins hafa byrjað á sömu ómálefnalegu gagnrýninni og skotum fyrir neðan beltisstað og VG og Samfylkingin notuðu á sínum tíma í gagnrýni á ríkisstjórnir Framsóknar og Sjálfstæðisflokksins um árabil.

Ég held að þjóðin sé þreytt á þessu. Auðvitað var Dagur, sem varaformaður Samfylkingarinnar, á kafi í stjórnarmyndunarviðræðum undanfarnar vikur, var við öðru að búast?

Á hverju eiga menn eins og Dagur að lifa þegar þeir eru ekki á þingi? Á að svipta þá launum og öllum hlunnindum þegar þeir sinna starfi fyrir flokkinn sinn?

Þessi umræða er á sama stigi og umræðan um ofurlaun þingmanna og ráðherra og það er lágt plan. Þetta fólk, sem er meira og minna í vinnunni allan sólarhringinn,  alla daga ársins er síður en svo sælt af sínum launum og er ekki að þessu fyrir peningana, heldur af eldheitri ástríðu og gildir það jafnt um vinstri- miðju- eða hægrimenn.

Hallur, kippum umræðunni upp á hærra plan! Af nógu er að taka í gagnrýni á stjórnvöld. Er sykurskatturinn það sem brennur á þjóðinni í dag eða vændissala. Svarið er nei, nákvæmlega eins og sala á bjór og léttvíni er ekki það sem fólk vill tala um! 

[Guðjón M. (IP-tala skráð) 17.5.2009 kl. 12:04]

Hallur minn, þú ert nú oftast málefnalegur þegar þú ert að gagnrýna andstæðinga þín, en þegar þú missir þig þá missirðu þig. Ég sé það núna. En gerðu sjálfum þér þann greiða að vera ekki að sjá óvini í fjölmiðlum þegar þeir gagnrýna ykkur í meirihlutanum, því það er hlutverk þeirra. Ekki leggjast á sama lága planið AMX og sjá skrattann í öllum hornum. Þið, þ.e. OR og stjórnin, klúðruðuð bara þessu máli með lélgu PR. Ég fullkomlega sammála þér, þrátt fyrir að vera ekki í íhaldsflokknum langsum, en þið unnið þetta bara með rassgatinu og gáfuð færi á ykkur. Hvað átti Dagur að gera? Hvað hefðir þú gert?

[Hallur Magnússon, 17.5.2009 kl. 13:12]

Guðjón.

Veit að ég tek djúpt í árinni - það er meðvitað gert - til þess að vekja fólk til umhugsunar.  Það er nefnilega með ólíkindum hvað hinn annars prúði Dagur B. getur stundum misst sig í ósanngirninni!

Almennt er ég ekki að kvarta yfir umfjöllun fjölmiðla um pólitík. En staðreyndin er sú að í tilfelli Dags B. þá hefur visir.is - og stundum Fréttablaðið nánast virkað eins og Pravda fyrir kommúnistaflokkinn í Sovétríkjunum á sínum tíma. Yfirlýsingar hans eru alltaf birtar garngýnilaust - og ég man bara alls ekki eftir gagnrýnum skrifum þeirra í garð Dags B.

Þótt Dagur sé mjög duglegur og að mörgu leiti ágætur stjórnmálamaður - þá hefur hinn "óháði" fréttamiðill aðeins misst sig í persónudýrkuninni.

Ég er að draga athyglinni að þeirri staðreynd - og nota því hvöss orð - sem ég reyndar get staðið við þótt ég vilji ekki nota þau svona dags daglega.