Dagur B í hanaslag við Árna Pál?

Er Dagur kominn í hanaslag við Árna Pál sem nú er orðinn ráðherra í ríkisstjórn og kominn með gott tækifæri til að sýna í hvað honum býr?  Óttast dagur að Árni Páll muni sýna með verkum sínum sem ráðherra að hann sé vænlegri kostur til að taka við af Jóhönnu heldur en varaformaðurinn Dagur?

Það er deginum ljósara að Árni Páll er langtum hæfari en Dagur í að takast á við Evrópumálin sem ofarlega verða á baugi á næstunni - en það er einnig deginum ljósara að Dag B langar voða mikið að gera sig gildandi í Evrópuumræðunni.

Allavega virðist Dagur vera í mikilli þörf til að halda sér í fjölmiðlaumræðunni - og grípur nánast til örþrifaráða til að komast á síður vefmiðlanna með lítt rökstuddum dómsdagsspám um fjárhagsáætlun borgarinnar.

Dagur ætti að líta sér nær og hjálpa ríkisstjórinni að átta sig á raunverulegri stöðu ríkisfjármála og efnahagslífsins - en það bendir allt til þess að ríkisstjórnin átti sig ekki á alvarlegri stöðu þeirra mála.

Allavega virðist Dagur farinn að missa áhugann á borgarmálunum ef marka má Orðið á götunni á Eyjunni!

Þar kemur fram að Dagur er farinn að skrópa:

Borgarráð er eina ráðið í stjórnkerfi Reykjavíkurborgar sem Dagur situr í en flestir aðrir borgarfulltrúar minnihlutans sitja í 2-3 fagráðum.

Mæting Dags B. Eggertssonar á borgarráðsfundum frá áramótum:

1 05.jan Sat heilan fund 
2 08.jan Sat heilan fund 
3 15.jan Mætti ekki á fund Boðaði varamann
4 22.jan Mætti ekki á fund Boðaði varamann
5 29.jan Tók sæti seint á fundi Boðaði varamann
6 05.feb Sat heilan fund 
7 12.feb Sat heilan fund 
8 19.feb Sat heilan fund 
9 26.feb Sat heilan fund 
10 05.mar Mætti ekki á fund Boðaði varamann
11 12.mar Sat heilan fund 
12 19.mar Tók sæti seint á fundi Boðaði varamann
13 26.mar Mætti ekki á fund Boðaði varamann
14 02.apr Fór snemma af fundi Boðaði varamann
15 16.apr Mætti ekki á fund Boðaði varamann
16 24.apr Mætti ekki á fund Boðaði varamann
17 25.apr Mætti ekki á fund Boðaði ekki varamann
18 07.maí Mætti ekki á fund Boðaði varamann 

Fjárhagsáætlun ekki í uppnámi

Athugasemdir

[Jón Tynes (IP-tala skráð) 14.5.2009 kl. 21:26]

Hélt hann fullum launum?

[Hallur Magnússon, 14.5.2009 kl. 21:48]

jamm

[Lilja Guðrún Þorvaldsdóttir, 14.5.2009 kl. 22:29]

Ósköp og skelfing er að vita þetta, en hvernig er með þingsályktunartillöguna varðandi umsókn um aðild að ESB.

Eruð þið Framsóknarmenn ekki enn með, að sótt skuli um aðild að ESB?

[Helgi Kr. Sigmundsson, 15.5.2009 kl. 01:13]

Hann hefur varla mætt 40%!   Hvað er í gangi?

[Benedikt Sigurðarson, 15.5.2009 kl. 09:12]

Fór það nokkuð framhjá þér Hallur að Dagur var kjörinn varaformaður SF - með mjög afgerandi stuðningi?

Þetta með hanaslaginn er alveg greinilega misskilningur hjá þér,- þar sem Árni Páll situr í ráðherrastóli sem oddviti SF í SV-kjördæmi, en ekki sem "frambjóðandi til varaformanns/formanns SF"

Árangur SF í ríkisstjórn hefur afar mikil áhrif á möguleika Dags B Eggertssonar til að sækja gott fylgi í borgarstjórnarkosningum að ári.  Takist vel til verður Dagur B Borgarstjóri í Reykjavík í traustum meirihluta Samfylkingingarinnar (með einhverjum öðrum en Sjálfstæðisflokknum).