Lækkum hreinar skuldir í 16,7 milljarða króna!

Hvernig væri að lækka hreinar skuldir í 16,7 milljarða króna með því að taka tvö núll aftan af krónunni. Ég er ekki bara að grínast - heldur held ég að það sé vænlegra að hafa krónuna í svipuðum tölum og Evruna - þótt það breyti ekki raunverulegu verðgildi krónunnar.

Þannig getum við betur borið saman verð og verðþróun á Íslandi og Evrópu - og verðum ekki alveg eins út að aka þegar við innleiðum Evru.

Í dag er íslenska barbabrellugengi Evru (opinbert gengi á Íslandi sem er náttúrlega ekki markaðsgengi) um 170 kall.  Væri ekki nær að hafa gengið 1,70?

3100 milljarða skuldir

Athugasemdir

[Baldur Fjölnisson, 7.5.2009 kl. 15:35]

Ég er ekki alveg að ná því hvernig skuldirnar eiga að lækka um 10000 milljarða til áramóta og hvet annars til að sveppirnir í mötuneytinu þarna í seðlabankanum verði teknir í efnagreiningu ... 19. mars 2009

Erlend staða þjóðarbúsins

4. ársfjórðungur 2008 Seðlabankinn hefur birt leiðréttingu á erlendri stöðu þjóðarbúsins samkvæmt nýjustu tölum sem hafa borist. Samkvæmt þeim er hrein staða við útlönd var neikvæð um 3.468 ma.kr. í lok fjórða ársfjórðungs. Næsta birting: 28. maí

Töflur Erlend staða þjóðarbúsins	Lýsigögn Erlend staða þjóðarbúsins	Tímaraðir Erlend staða þjóðarbúsins
Annað tengt efni Áætlað markaðsverðmæti erlendra eigna og skulda og áhrif breytinga á ytri skilyrðum á hreina erlenda stöðu (Peningamál, 1. hefti 2008) Erlend staða þjóðarbúsins og þáttatekjur (Peningamál, 2. hefti 2007)
Umsjón: Ríkarður B. Ríkarðsson, upplýsingasviði. Netfang: [e-mail]

[Emil Örn Kristjánsson, 7.5.2009 kl. 16:02]

Góður, þá færi íslenzka krónan orðið hærri en sú sænska, slefar í dollar og innan við tvær krónur í evru. Þó ekki væri annað þá myndi þetta svo sannarlega auka þjóðinni bjarsýni, áræði og þor.

[Guðbjörn Guðbjörnsson, 7.5.2009 kl. 20:59]

Baldur: 

Er ekki bara búið að afskrifa erlendar skuldir gömlu bankanna í lok ársins?

Var ekki talað um að heildaskuldir Íslendinga væru 12-13.000 milljarðar fyrir hrun? Núna eiga þetta að vera 2-3000 milljarðar! 

[Baldur Fjölnisson, 8.5.2009 kl. 17:45]

Guðbjörn, ég hef nú ekki heyrt um það.