Formannsslagur Dags B. og Björgvins G. hafinn!

Með afsögn sinni sem bankamálaráðherra hefur Björgvin G. Sigurðsson hafið slag sinn við Dag B. Eggertsson um formannsembættið í Samfylkingunni. Það er deginum ljósara að slíkur slagur hefur verið í uppsiglingu.

Björgin hefur styrkt stöðu sína verulega með afsögn - þótt hún komi allt of seint.

Átök stríðandi fylkinga innan Samfylkingarinnar mun koma enn betur í ljós á næstu dögum og vikum.

Ingibjörg Sólrún: Afsögn Björgvins kom á óvart

Athugasemdir

[Hallur Magnússon, 25.1.2009 kl. 12:57]

Stefán!

Það vita það allir sem vilja vita að á undanförnum dögum hefur Dagur B. verið á fullu í undirbúningi´fyrir að taka við Samfylkingunni. Og ekki bara Dagur heldur  einnig helstu stuðningsmenn hans.  Viðbragð Björgvins - sem allir vita sem vilja vita að hefur stefnt á formannsstól Samfylkingarinnar með dyggum stuðingi Össurs og fleiri - er því fullkomlega eðlilegt.

Hann hefur klárlega styrkt stöðu sína!

[Kristján Logason, 25.1.2009 kl. 13:25]

Hann er fyrstur til að koma til dyrana eins og hann er klæddur, segja satt og boða hreinsun. Hvort það dugi honum á eftir að koma í ljos. held að þetta sé heldur seint

[Óðinn Þórisson, 25.1.2009 kl. 14:09]

Hallur, Ingibjörg er búin að lýsa því yfir að hún ætli sér að leiða flokkinn í næstu kosningum. Baráttan verður um varaformanninn og þann slag mun Dagur alveg örugglega vinna.
Annars finnst mér Ingibjörg vera að standa sig alveg ótrúlega vel og á mikið hrós skilið.

[Örn Johnson ´43 (IP-tala skráð) 25.1.2009 kl. 21:36]

Mér finnst Björgvin ekki trúverðugur eftir þetta og ég held að kjósendur hans komi til með að sjá það. Hann skaut sig í fótinn, lyddan sú, sem flýr af hólmi þegar á reynir.