Fyrirmyndar fjárhagsáætlun Kópavogs - minnihlutinn á hrós skilið fyrir ábyrgð!

Það er til fyrirmyndar að allir bæjarfulltrúar allra flokka í Kópavogi hafi snúið bökum saman á þessum erfiðu tímum og sameinast um fjárhagsáætlun sem þar að auki er samþykkt með 200 milljón króna rekstrarafgangi.

Ég veit að það hefði verið freistandi fyrir bæjarfulltrúa minnihlutans að svíkjast undan merkjum á síðustu metrunum og gera ágreining um einhver atriði fjárhagsáætlunar með bókunum þar sem fram kæmu hefðbundin yfirboð í einstökum, vinsælum málaflokkum.

En það gerðist ekki og ég tek ofan fyrir minnihlutanum í bæjarstjórn Kópavogs fyrir að hafa staðið með meirihlutanum í ábyrgri fjárhagsáætlunargerð sem kristallast í fjárhagsáætlun án halla.

Þá er það einnig jákvætt að þrátt fyrir að oft sé tekist afar hart um ákveðin málefni í bæjarastjórn Kópavogs að meirihlutinn hafi leitað á þennan hátt eftir samstarfi minnihlutans.

Svona eiga sveitarsjórnir að vinna á erfiðum tímum.

Reyndar hafa sömu vinnubrögð verið viðhöfð í Reykjavík og því spennandi að sjá hvort einhverjir hlaupa út undan sér á síðustu metrunum. Það mun væntanlega koma í ljós á þriðjudaginn.

Ég em varaformaður Velferðaráðs hef allavega lagt mitt af mörkum sem starfandi formaður Velferðaráðs í forföllum vinkonu minnar Jórunnar Óskar sem er formaður - og að sjálfsögðu í góðu samstarfi við hana og aðra fulltrúa meirihluta Framsóknar og Sjálfstæðisflokks - með því að leitast eftir því við minnihlutann að sameinast í bókunum um ákveðin atriði sem okkur öllum finnst mikilvæg - það er að hækka hámarksfjárhæð fjárhagsaðstoðar og verja grunnþjónustu Velferðasviðs.

Við náðum einmitt saman um slíka bókun á fundi Velferðaráðs á þriðjudag. Ég er minnihlutanum þakklátur fyrir það!

Fjárhagsáætlun samþykkt með 200 milljóna kr. rekstrarafgangi

Athugasemdir

[Birna Dis Vilbertsdóttir (IP-tala skráð) 19.12.2008 kl. 20:25]

Takk kærlega fyrir okkur.Afar ánægjulegt,skemmtilegt og óvænt.Vonandi voru gellurnar ok?

[Palli (IP-tala skráð) 19.12.2008 kl. 20:34]

Er það ekki í Kópavogi þar sem Sjálfstæðismenn hafa fengið að stjórna nógu lengi til að svona sé hægt? Minnir að Samfylking hafi aldrei komist að þar.

[Hallur Magnússon, 19.12.2008 kl. 21:41]

þær voru fínar takk!

[Ragnar Gunnlaugsson, 19.12.2008 kl. 22:04]

Til lukku með þetta Kópavogsbúar.

[lelli (IP-tala skráð) 19.12.2008 kl. 23:41]

Trúið þið á álfasögur.

[Hallur Magnússon, 20.12.2008 kl. 00:40]

Þeir gera það á Álfhólsveginum í Kópavogi!

[Guðjón Harðarson (IP-tala skráð) 20.12.2008 kl. 09:32]

Gott að búa í Kópavogi.

[Óðinn Þórisson, 20.12.2008 kl. 12:36]

Hvergi betra að búa en í kópavogi

[Hörður Már Karlsson (IP-tala skráð) 20.12.2008 kl. 14:46]

Hallur!

   Er hægt að ætlast til þess að öll dýrin í skóginum séu vinir?