Ríkisstjórnin hækki húsnæðisbætur!

Það er skynsamlegt að frysta gjaldeyrislán heimilanna þar til íslenska krónan styrkist á ný - ef hún á annað borð gerir það.  En það er alveg ljóst að greiðslubyrði heimilanna af íbúðalánum mun aukast all verulega - hvort sem fólk er rmeð gjaldeyrislán eða verðtryggt lán.

Ríkisstjórnin verður að bregðast við með hækkun húsnæðisbóta - hvort sem um er að ræða vaxtabætur eða húsaleigubætur.

Reyndar væri rétt að endurskipuleggja húsnæðisbótakerfið þannig að um verði að ræða eitt húsnæðisbótakerfi sem gerir ekki greinarbun á búsetuformum, það er húsnæðisbæturnar séu þær sömu hvirt sem um er að ræða fjölskyldur sem búa í eigin húsnæði, í leiguhúsæði eða búseturéttarhúsnæði. Slíkt húsnæðisbótakerfi á að sjálfsögðu að taka mið af tekjum fólk hverju sinni.

Meira um það síðar! 

Gengistryggð lán verði fryst

Athugasemdir

[Gísli Tryggvason, 9.10.2008 kl. 23:57]

Nú eða að veita fyrirfram eingreiðsluhúsnæðisbætur í formi yfirtökuafsláttar gengislána - og verðtryggða (en verðtryggingin ber auðvitað dauðann í sér eins og þú veist innst inni).

[Predikarinn - Cacoethes scribendi , 10.10.2008 kl. 00:52]

Eiga skattgreiðendur þeir sem ekki eiga húsnæði að niðurgreiða lán þeirra sem húsnæðið eiga ? 

[Hallur Magnússon, 10.10.2008 kl. 07:45]

Gísli.

Nú skaltu bera saman hækkun á mánaðarlegum afborgunum gengisláns umm á 18 milljónir sem tekið var í janúar 2006 og veðtryggðs láns að sömu fjárhæð sem tekið var í janúar 2006.

Þú munt þá sjá að afborgun af verðtryggða láninu er miklu mun lægri en afborgun af gengisláninu.

Verðtryggingin er vernd fyrir neytendur.

[Gullvagninn (IP-tala skráð) 10.10.2008 kl. 08:49]

ehhh... ég held að gamli frasinn muni sannast - gengistryggðu lánin gefa þér kjaftshögg, en verðtryggðu lauma hnífi í bakið... síðar.

við verðum að losna við verðtrygginguna, annars er bara verið að senda reikninginn fyrir ruglinu beint til saklausra, það þýðir ekkert að segja fólki að það hefði átt að "safna sér" fyrir íbúð, eins og íbúðaverð vart belgt upp á síðustu árum, verð eða gengistryggð lán voru einu kostirnir.

[Hallur Magnússon, 11.10.2008 kl. 09:00]

Gullvagn!

Ég er sammála þér um að við þurfum að losna við verðtrygginguna. Það er einungis raunhæft á einn hátt. Með því að kasta krónunni og taka upp alvöru gjaldmiðil. Á meðan við erum með krónuna þá verðum við að hafa vertryggingu. Ég mæli með evru.