Upplyfting á Hollvinadegi á Bifröst 13. september!

Jónas frá Hriflu stofnaði Samvinnuskólann í Reykjavík fyrir 90 árum síðan. Samvinnuskólinn fluttist í dýrðina á Bifröst haustið 1955. Þar hefur skólinn starfað með miklum blóma alla götur síðan - nú síðustu árin sem háskóli undir nafninu Háskólinn á Bifröst.

Nú er Bifröst að stofna útibú skólans í Reykjavík - þar sem Samvinnuskólinn hóf göngu sína!

Þann 14. september 1958 stofnuðu nemendur útskrifaðir frá Samvinnuskólanum að Bifröst Nemendasamband Samvinnuskólans, skammstafað NSS.  Í frétt frá þeim fundi segir m.a. “tilgangur með stofnun NSS er að treysta bönd gamalla nemenda við skóla sinn og efla kynni og skilning milli eldri og yngri nemenda.”   

Það eru því 50 ár síðan Nemendasambandið var stofnað.  Nemendasambandið ber nú heitið Hollvinasamtök Bifrastar enda opið fleirum en einungis fyrrum nemendum á Bifröst.

Í tilefni 50 ára afmælisins verður dagskrá á vegum Hollvinasamstakanna á Bifröst laugardaginn 13. september. Þar mun hin síunga Bifrastarhljómsveit "Upplyfting" halda tónelika - og spila fyrir dansi!

Að sjálfsögðu verða sætaferðir frá Reykjavík og til baka eftir ball!

Þá verður árlegt golfmót haldið 13. septembar á golfvellinum við Bifröst.

Dagskrá Hollvinadagsins er að finna hér!

Eldri nemendur eru hvattir til að mæta á Bifröst á laugardaginn!

Þá er ekki úr vegi að minna á vefsíðu Hollvinasamtakanna: http://hollvinir.bifrost.is!

Bifröst opnar útibú í Reykjavík

Athugasemdir

[Pétur Sig, 8.9.2008 kl. 23:38]

Það sem einna mest truflar mig við hann Jónas frá Hriflu er, að hann vildi láta byggja skólann í Reykholti með rassinn ofaní Snorralaug þar sem loftræstingin blæs stanslaust á það fólk sem hana vill fyrir sér virða.

Ég held samt Hallur, að Jónas hafi verið klikkaðri en góðu hófi gegnir.

Skólinn á Bifröst er samt fínn þannig sko.

En áttu eitthvað koníak?

[Hrannar (IP-tala skráð) 9.9.2008 kl. 10:13]

Pippi minn,

Jónas var glerharður á því að skólinn ætti að vera í Reykjavík þar sem hann var stofnaður. Flutningurinn á Bifröst var ákveðinn af SÍS til að nýta húseignir þar. Þessar húseignir hafa reyndar aðeins undið ofan á sig síðan.

Það er hinsvegar rétt að Reykholtsdalurinn er óforbetranlegt rokrassgat sem einungis má þola á kaf ofan í laug, eða með ómældu magni af sveitakaffi. (þ.: kaffi blandað Reykdælsku koníaki sem framleitt var þar til dalurinn fór allur meira og minna á snúruna)