1,2 og skíðaparadís í Bláfjöllin!

Veðurguðirnir hafa verið skíðafólki á höfuðborgarsvæðinu hliðhollir í vetur. Nægur skíðasnjór í Bláfjöllum og oft á tíðum frábært skíðaveður! Sit hér framan við tölvuna sæll og sólbrenndur eftir frábæran dag í Bláfjöllum í gær - og dagurinn í dag lofar góðu!

Þegar ég stóð ofan við Kóngsgil og horfði yfir skíðasvæðið - og reyndar yfir allt höfuðborgarsvæðið og upp á Snæfellsnes - þá rifjaði ég upp ferlegan skíðavetur í fyrra. Þá var ástandið þannig í lok desember og köldum janúar - að ekki var unnt að opna skíðasvæðið þar sem snjórinn var allt of þurr og þjappaðist ekki. Það voru ekki margir skíðadagarnir í fyrra - og enn færri árið áður!

Þessu er unnt að breyta. Eftir að hafa búið í Noregi þar sem snjóbyssur eru í hverri brekku - og eftir að hafa skíðað á Akureyri á tilbúnum snjó í fyrra - þá æpir á mann vöntunin á snjógerðartækjum í Bláfjöllum. Við getum ekki treyst á veðurguðina eina saman! Ég skora á sveitarfélögin á höfuðborgarsvæðinu að taka höndum saman og koma upp snjógerðarkerfi í Bláfjöllum fyrir næsta vetur.

Þannig getum við tryggt góðar aðstæður fyrir heilbrigða fjölskylduíþrótt í Bláfjallaparadísinni!

Ólafur Friðrik og félagar í borgarstjórn Reykjavíkur!  1,2 og skíðaparadís í Bláfjöllin!

Athugasemdir

[Gestur Guðjónsson, 16.3.2008 kl. 11:06]

Tókst þig vel út í sjónvarpinu.

[Marta B Helgadóttir, 16.3.2008 kl. 20:45]

Það var frábært í fjallinu í dag.

[Marta B Helgadóttir, 16.3.2008 kl. 20:47]

...tek undir þetta hjá þér (...átti að fylgja með þarna )

[Friðrik Ásmundsson Brekkan (IP-tala skráð) 17.3.2008 kl. 01:11]

Skálafell var líka FRÁBÆRT í dag og í gær. Það vareiginlega meiri upplifun að koma í Skálafellið en í Bláfjöllin þótt þar sé og stórkostlegt. En tilfinningin að koma aftur í Skálafellið eftir ÞRIGGJA ÁRA lokun var einstök.

Það þarf svo sannarlega að reyna að opna augu fleirri fyrir dýrð fjallanna og hvetja foreldra til meiri útiveru með börnum sínum.

Friðrik