Losunarkvótan til álvers á Bakka eða í álbræðslu í Helguvík?

Vinur minn iðnaðarráðherra sagði á sínum tíma að óskir Íslendinga um séríslenskt ákvæði í loftlagsmálum yrði "hlegið út af borðinu". Umhverfisráðherra vill greinilega ekki verða að mögulegu aðhlátursefni og treystir sér ekki einu sinni til þess að reyna. Því virðist útséð um að Íslendingar fái auknar losunarheimildir. 

Þá er bara pláss fyrir eitt álver - annað hvort á Bakka við Húsavík eða í Helguvík.

Samfylkingin getur ekki verið stykkfrí í afstöðunni til þess hvort næsta álver verði byggt á Bakka eða í Helguvík.

Á Íslandi eru annars vegar álbræðslur sem einungis bræða ál og hins vegar álverksmiðjur sem bræða ál og vinna úr því til dæmis barra, álþráð og bolta með þeim virðisauka fyrir Íslendinga sem því fylgir.

Álbræðslan á Grundartanga er álbræðsla sem ekki áframvinnur álið á Íslandi. Álverið á Reyðarfirði og í Straumsvík vinna meira úr álinu og nýta því losunarkvótan mun betur fyrir efnahagslífið á Íslandi.

Fyrirhuguð álbræðsla í Helguvík er af fyrri taginu og því ekki eins dýrmæt fyrir Íslendinga og fyrirhugað álver á Bakka sem nýta mun losunarkvótan miklu mun betur fyrir íslenskt efnahagslíf - auk þess að skipta miklu meira málið fyrir nærumhverfið en álbræðslan í Helguvík.

Þá má bæta við að með álverinu á Bakka gætu skapast aðstæður til þess að setja á fót völsunarverksmiðju á norðausturlandi þar sem samanlögð framleiðsla Bakka og Reyðaráls yrði það mikil að rekstrarlegar forsendur fyrir slíkri, umhverfisvænni stóriðju skapast.

Helguvík bíði enn um sinn

Athugasemdir

[Sævar Helgason, 16.2.2008 kl. 21:34]

Er þetta ekki einhver miskskilningur með álvinnsluna. Íslendingar hafa engu meira uppúr álvinnslunni hvort heldur hún fer í hleifa (hráál) barra, álþráð eða boltastangir. Það eru aðeins eigendurnir sem allir eru erlendir sem fá virðisaukann af mismunandi framleiðslu...við Íslendingar höfum bara vinnulaunin víð þetta og það sem fyrir raforkuna fæst.  Allt álið sem flutt er út er í eigu erlendra aðila..

Þetta er nú ekki flóknara en það.. Það er fyrst og fremst raforkan sem við verðum að fá meira verð fyrir en nú er og virðast þessir nýjju möguleikar  í kisilvinnslu og gagnaverum leið í þá veru.

[Hallur Magnússon, 16.2.2008 kl. 21:58]

Sævar.

Meiri vinnsla - fleiri störf - minni flutningur - minn mengun - betra líf

[Rauða Ljónið, 16.2.2008 kl. 21:58]

 Sæll, Hallur.

Sé að þú hefur fengið svar frá einum umhverfissóða, hér eru smá staðreyndir.

• Um77 til 80% af þeirri orku sem er nú notuð í heiminum kemur frá jarðeldsneyti úr jörðu.    
• Notkun jarðefnaeldsneytis er helsta uppspretta gróðurhúsaáhrifanna á jörðinni. Stern-skýrslan og IPCC-skýrslan leggja því áherslu á  nýtingu annarra orkulinda en jarðeldsneytis sem þátt í að draga úr gróðurhúsaáhrifunum á Hnattrærna vísu.
• Losun koltvísýrings frá raforkuframleiðslu úr jarðeldsneyti til álvinnslu er rúmlega 110  milljón tonn af CO2 á  árið 2006.
• Farþegaflug og vöruflug, þ.e. flug frá og til Íslands og innanlands, ferðarmannaðariðnaður stæðsti mengunar valdurinn á Íslandi og stæðsta stóriðjan, nemur um 4.2 milljónum tonna af CO2, sem er svipuð og losun 17 álvera á CO2 eins og þau eru hér á landi. Hvert tonn af áli sem framleitt er á Íslandi með raforku úr vatnsorku eða jarðhita í stað raforku úr jarðeldsneyti sparar andrúmsloftinu 13,5 tonn af koltvísýringi. (  1.0 milljón x 13,5COs ) = 13.5 milljóna af CO2 sparnaður á hnattræna vísu.
• Verði álframleiðsla á Íslandi  komin í 1,0 milljón tonn á ári .Til þess þyrfti nálægt 16 TWh/a (terawattstundir á ári), reiknað í orkuveri, t.d 12 úr vatnsorku og 4 úr jarðhita. Orkulindir okkar ráða vel við það. Sú álvinnsla sparaði andrúmsloftinu 13.5 milljón tonn á ári hnattrænt  borið saman við að álið væri framleitt með rafmagni úr jarðeldsneyti.
• Og að 1,0 milljóna tonna álframleiðsla á Íslandi „sparaði andrúmsloftinu 13.5 milljón tonn á ári borið saman við að álið væri framleitt með rafmagni úr eldsneyti. 5-falda núverandi innanlandslosun á Íslandi og um 12% af núverandi losun í heiminum vegna raforkuvinnslu til

Almannahagsmunir eru að virkja vatnsorku og jarðhita til raforkuvinnslu. Þeir hagsmunir eru nú ríkari en nokkru sinni fyrr í heimi sem fær 80% orku sinnar úr jarefnaeldsneyti og er ógnað af gróðurhúsaáhrifunum. Það eru sameiginlegir hagsmunir Heimsbyggðarinnar og almennings á Íslandi.                                 

Þetta kemur greinilega fram bæði í Stern-skýrslunni og IPCC-skýrslunni og svo öðrum skýrslum og viðurkendum rannsóknum sem lúta að sparnaði á CO2.

 

Þetta hljóta allir skynsamir menn að sjá. Skynsömum mönnum getur skjátlast en þeir viðurkenna mistök sín ef þeim skjátlaðist, þ.e. ef þeir eru skynsamir. Ég vona að umhverfisráðherra og iðnaðarráðherra og þingmenn séu allir skynsamir menn og vinni þjóð sinni og heimsbyggðinni til heilla og skoða málin án þessa að láta einkapólitísk sjónarmið og pólitíska rétthugsun ráða ferðinni og fari að skoða umhverfismál á hnattranavísu ekki pólitíska eins og VG og Samfylkingin hafa gert hingað til, Ísland er ekki eyland í umhverfismálum.           

Pólitískar vinsældaveiðar og lítt vísindalegar skoðanir sem nú eru efst á baugi mega ekki ráða ferðinni til að fá klapp á öxlina og X á kjörselinn það eru svik bæði við náttúruna og þær kynslóðir sem á eftir okkur koma..

Með þessu móti geta Íslendingar lagt stærri skerf af mörkum í baráttunni við þá vá sem öllu mannkyni stafar af gróðurhúsavandanum. Framlag okkar Íslendinga er að hafa þessa vinnslu hér á landi . Og við þurfum samt ekkert að óttast að eiga ekki aðgang að ósnortinni náttúru!

 

Líklega er mesta hættan í að mönnum mistakist að vinna bug á gróðurhúsaáhrifunum fólgin í hugsunarhættinum. Tilhneigingunni til að skjóta sér sjálfum undan vanda með allskyns afsökunum en ætla öðrum að leysa hann. Sú hugsun sæmir síst Íslendingum sem hver um sig ræður yfir hundrað sinnum meiri efnahagslegri vatnsorku en hver jarðarbúi að meðaltali og ríflegum jarðhita að auki. Af þeim sem mikið er gefið verður mikils krafist.

 Íslensk raforka, sem framleidd er með fallorku vatns eða þrýstiorku gufu er dýrari en raforka framleidd með olíu í Rússlandi eða kolum í Kína Suðurafríku Astralíu.                                              

Í þessum löndun er nú verið að reisa Álver sem eiga að vera með framleiðslugetu upp á 3 milljónir tonna af áli og orkugjafinn er jarðeldsneyti með CO2 útstreymi 14.2 X 3 milljón tonn eða 42.6 tonn af Co2.   Ef fallorka og jarðorka væri notuð væri talan 4.5 tonn og af því kæmi til baka í sparnaði á Hnattrænavísu 13.5 X 3 = 40.5 tonn.Með fallorku eða jarðaorku á álframleiðslu!".

  

Þetta sýnir hvílík endaleysa það er að taka álvinnslu á Íslandi með í Kyoto-bókunina; starfsemi sem stuðlar að markmiði bókunarinnar en vinnur ekki gegn henni! Álvinnsla á Íslandi á ekki heima þar inni. Hvers vegna er flugumferð á Íslandi ekki þar inni og ferðariðnaðurinn sem er stærsta stóriðja íslands og mesti mengunarvaldurinn. Ferðaiðnaðurinn á Íslandi losar um 4.2 milljón tonn,af CO2, eins og 17 álver af þeirri stærða gráðu sem hér er í Straumsvík.

Það er heimslosunin á CO2 ein sem skiptir máli ekki hvar hún á sér stað. Það er það sem íslendingar eiga að huga að ekki beina sjónum að einum þætti, það sýnir aðeins þröngsýni og vilja til að bæta ekki þar úr sem bæta á og árangur verður lítil sem enginn, verði sú skoðun áfram.

Heimildaskrá:

Center for the Study of Carbon Dioxide and Global Chang

 

http://www.Co2science.org

http://www.world-aluminium.org/Home

http://en.wikipedia.org/wiki/Stern_Review

http://www.world-aluminium.org/

http://www.azom.com/materials.asp

http://www.eaa.net/eaa/index.jsp

http://search.treasury.gov.uk/search?p=Q&ts=treasury&mainresult=mt_mainresult_yes&w=Stern+Review

http://search.unfccc.int/query.html?col=fccc&qt=aluminium

 http://search.unfccc.int/query.html?col=fccc&charset=iso-8859-1&ht=0&qp=&qt=IPCC&qs=&qc=&pw=90%25&ws=1&la=en&qm=0&st=1&nh=10&lk=1&rf=2&rq=0&si=0                      IPCC

http://www.world-aluminium.org/cache/fl0000107.pdf

 http://www.world-aluminium.org/cache/fl0000169.pdf

http://www.germanwatch.org/

http://en.wikipedia.org/wiki/Climate_change_and_agriculture

http://en.wikipedia.org/wiki/Fossil_fuel_power_plant

http://www.newstatesman.com/200712190004

http://www.pmel.noaa.gov/pubs/PDF/feel2899/feel2899.pdf

http://science.nasa.gov/newhome/headlines/ast22jul99_1.htm

http://www.cru.uea.ac.uk/

 

Kv, Sigurjón Vigfússon

[Sævar Helgason, 16.2.2008 kl. 22:44]

Hallur

Aðeins að bæta við :  Losun á þessum svokölluðu gróðurhúsalofttegundum verða öll við rafgreiningu í kerskálum..frekari úrvinnsla breytir þar engu... og framleiðslumagnið í tonnum talið er það sama. Þannig að vinnan ein stendur eftir við meiri úrvinnslu.

En takk fyrir svar þitt. 

[Rauða Ljónið, 16.2.2008 kl. 22:48]

Sæll, Hallur.

Það er mikill vankunnátta og röng innsýn inn í álgeirann og samninga er standa við ríki og bæ þegar menn eins og Sævar Helgason tjá sig um verð á áli og álmörkuðum og verðmætti framleiðslu í hvaða verð flokk hún fer, hagur þjóðarbúsinns fer eftir verðmætum hvað fæst fyrir vöruna það er það verð sem skila sér inn í þeim flokki sem hún er framleidd í það fæst hærra verð fyrir hágæðavöru sem framleidd í Straumsvík heldur en þá vöru sem ef en framleidd er í Norðuráli og Reyðaráli.

 Hærra verð á áli frá Straumsvík hærri tekjur fyrir Hafnarfjörð og Ísland.

Kv, Sigurjón Vigfússon

 

[Rauða Ljónið, 16.2.2008 kl. 22:52]

Sæll,  Sævar.

Hvar hefur þú unnið í öll þessi ár???????????????????????

Kv, SIgurjón Vigfússon 

[Sigurður Jónsson (IP-tala skráð) 17.2.2008 kl. 03:20]

Núverandi umhverfisráðherra er ekki treystandi fyrir íslenskum hagsmunum.   Það hefur margoft komið fram í máli hennar.   Þyrftum að losna við hana hið fyrsta.

Sprungin bankabóla, sjávarútvegur á hraðri niðurleið í verðmætasköpun, fasteignabólan við það að fara að springa, o.s.frv., kallar á að við förum í hraða uppbyggingu til að fá sem mest verðmæti úr orkuauðlindum okkar.   Það er einfaldlega okkar eina svar við þeim harðindum sem blasa við framundan á efnahagssviðinu.   Og að sjálfsögðu eigum við að nýta okkur sérstöðu okkar hreinu orku í öllum alþjóðlegum samningum - þar geta legið heilmikil verðmæti fyrir þjóðina okkar.

[Árni Gunnarsson, 17.2.2008 kl. 12:02]

Dálítið einfaldur útreikningur.

Þegar tekist er á um álverin á íslandi er vitnað til vistvænnar nýtingar á orku. Sú umræða beinist að þeirri yfirvofandi vá sem stafar af aukningu skaðlegra efna í andrúmsloftinu,-gott. Stærsta vandamálið er að mínu mati hin ógnvekjandi neysluaukning sem fylgir vaxandi velmegun.

Notkun á vistvænni orku mun ekki að óbreyttu minnka gróðurhúsaáhrif nema jafnframt verði komið á einhverri neyslustýringu.

Ef svonefnd vistvæn framleiðsla á áli skapar aðeins tækifæri til að framleiða fleiri bifreiðar og auka umferð með flugvélum sé ég ekki ávinninginn.