Norskir Framsóknarmenn Íslendingum hliðhollir

Norskir Framsóknarmenn eru okkur Íslendingum hliðhollir. Miðflokksmaðurinn Per Olaf Lundteigen hefur fylgst með málum á Íslandi frá hruninu - og hefur alla tíð lagt áherslu á að Norðmenn aðstoði Íslendinga eftir föngum.

Áhersla Lundteigen á aukinni samvinnu við Íslendinga í atvinnumálum er athyglisverð. 

Vill að Norðmenn láni Íslandi meira

Hafnaði ríkisstjórn Sjálfstæðisflokks og Samfylkingar Rússaláni?

Hafnaði ríkisstjórn Sjálfstæðisflokks og Samfylkingar Rússaláni í kjölfar hrunsins? Það væri athyglisvert að fá svör við því - og röksemdir af hverju það var gert.

Það breytir reyndar ekki núverandi stöðu - sem þarf að leysa hið fyrsta svo við getum farið að einbeita okkur á endurreisnarbrautinni.

Endurreisnarbraut sem við verðum að fara með kraft og bjartsýni á framtíðina að leiðarljósi hvernig sem IceSave málum lyktar - og láta ekki mistök fortíðar trufla okkur á þeirri braut.

„Íslendingar vildu ekki lán frá Rússum"

Seðlabankinn fyrst nú að fatta áhrif verðtryggingar langtímalána?

"Líklegt er að útbreidd verðtrygging dragi nokkuð úr virkni peningastefnunnar, vegna þess að hún stuðlar að því að lán séu veitt til mjög langs tíma og á föstum raunvöxtum." 

Halló!

Er Seðlabankinn að fatta þetta fyrst núna? Það hefur alltaf verið kristalklárt að hávaxtastefna Seðlabanka gengur ekki upp vegna þess að stærsti hluti langtímaskulda Íslendinga er í verðtryggðum lánum.

Þetta er ástæðan fyrir því að hávaxtastefna Seðlabankans hefur aldrei virkað!

Þetta er ástæðan fyrir því að það átti að hækka bindiskylduna og herða á lausafjárreglum árið 2004 þegar bankaævintýrið hófst með illa ígrundaðri innrás bankanna á fasteignalánamarkaðinn - innrás sem er núna búin að koma okkur um koll samhliða brjálaðri útrás bankanna.

Ef Seðlabankinn hefði fattað þessa einföldu staðreynd á sínum tíma - þá gæti staðan verið önnur en hún er í dag.

Þetta er ástæðan fyrir því að "ráðfgjöf" Alþjóða gjaldeyrissjóðsins gegnum tíðina hefur ekki gengið upp. AGS virðist aldrei hafa fattað íslensku verðtrygginguna. Það þurfti að kenna þeim þau grundvalalratriði á hverju einasta árlega fundi sem fulltrúar AGS áttu með Íbúðalánasjóði.

En það er jákvætt að þeir í Seðlabankanum eru búnir að fatta eðli verðtryggingar á langtímalánum.

Verðtryggingin dregur úr virkni peningastefnu