Forsetinn, ég og Framsókn sammála um þjóðkjörið stjórnlagaþing?

Enn einu sinni kemur fram nauðsyn þess að þjóðin kjósi sér stjórnlagaþing til þess að semja tillögu að nýrri stjórnarskrá og leggi hana fyrir þjóðaratkvæðagreiðslu. Mikilvægur þáttur í nýrri stjórnarskrá er staða og hlutverk forseta Íslands.

Ég skil orð forsetans ekki betur en ég, hann og Framsóknarflokkurinn séu sammála um að Þjóðkjörið stjórnlagaþing móti stjórnskipan framtíðarinnar. 

Framsóknarflokkurinn hefur skýra stefnu hvað þetta varðar eftir glæsilegt flokksþing sitt:

Ályktun um stjórnlagaþing 

Markmið
Að stjórnskipun Íslands verði endurskoðuð á sérstöku stjórnlagaþingi þar sem stjórnarskrá Íslands og eftir ástæðum viðeigandi lög um stjórnsýslu, dómstóla, löggjafarstarf og kosningar verði endurskoðuð til samræmis við framsæknar hugmyndir um stjórnskipun landsins um gagnsæi, lýðræðislega þátttöku og jafnvægi milli valdþátta.

Leiðir

• Helstu álitamál sem taka þarf afstöðu til á stjórnlagaþingi eru meðal annars:
• Hvort afnema eigi þingræði og taka upp beina kosningu æðsta handhafa framkvæmdarvalds
• Hvernig eftirliti með valdháttum eigi að vera háttað, eftirlitshlutverk Alþingis, virkari ráðherraábyrgð og óháðara val dómara
• Hvort auka eigi valfrelsi kjósenda um fulltrúa á framboðslistum
• Hvort takmarka eigi hámarkssetutíma þingmanna og ráðherra
• Hvort auka eigi möguleika á þjóðaratkvæði og jafnvel frumkvæði að löggjöf frá almenningi
• Hvernig gagnsæi stjórnkerfisins sé tryggt
• Hvort þörf sé á sérstökum þjóðhöfðingja og þá hvert hlutverk hans eigi að vera
• Hver staða sveitarfélaganna eigi að vera, svo sem með hlutdeild í fjárstjórnarvaldi ríkisins
• Hvort og þá hvernig skipta eigi landinu í kjördæmi
• Hvernig staðið skuli að framsali valdheimilda til alþjóðlegra stofnana
• Hvernig tryggja eigi skýrt og ótvírætt sjálfstæði hinna þriggja meginþátta ríkisvaldsins löggjafarvalds, dómsvalds og framkvæmdarvalds

Fyrstu skref
Þingflokkur Framsóknarflokksins skal leggja fram tillögu á Alþingi um kosningu til stjórnlagaþings í samræmi við niðurstöður íbúalýðræðisnefndar flokksins. Einnig verði lögð fram tillaga um breytingu á stjórnarskránni þess eðlis að breytingar á stjórnarskrá verði bornar undir þjóðaratkvæði. Stefnt skal að því að stjórnlagaþing verði kallað saman sem fyrst og tillögur þess að nýrri stjórnarskrá verði lagðar fyrir þjóðina.  Stjórnlagaþing skal ekki vera skipað núverandi eða fyrrverandi alþingismönnum, ráðherrum eða formönnum stjórnmálahreyfinga.

„Óvenjulegt frumkvæði“

Sammála Geir og Ingibjörgu Sólrúnu

Ég er sammála bæði Geir Haarde og Ingibjörgu Sólrúnu. Geir segir eins og satt er að allt logi í átökum innan Samfylkingar og Ingibjörg Sólrún segir að verkstjórn í ríkisstjórninni hafi verið ábótavant.

Stjórnarsamstarfi lokið

Bera ráðuneytisstjórar einhverja ábyrgð?

Auðvitað ber Geir Haarde ábyrgð á efnahagshruni Íslands og  heimsins með hópi annarra manna. En bera ráðuneytisstjórar einhverja ábyrgð?  Er ekki rétt að skipta um ráðuneytisstjóran fjármálaráðuneytis?

Geir Haarde sagður ábyrgur fyrir hruninu

Hálft prik til ríkisstjórnarflokkannna

Ríkisstjórnarflokkarnir fá hálft prik fyrir það að ágreiningur þeirra er að líkindum ekki bara sandkassaþras um persónur og leikendur eins og jafnvel mætti ætla, heldur er einnig um að ræða pólitískan ágreining um mismunandi leiðir.

Sjálfstæðisflokkurinn er sagður vilja skera enn frekar niður í ríkisfjármálum, en Samfylkingin vill hrynda af stað aðgerðaráætlun um efnahagslífið og peningastjórnun.

Það er nánast nýlunda að herya að slík aðgerðaráætlun sé til staðar - aðgerðarleysi ríkisstjórnar hefur verið slíkt.

Það verður spennandi að sjá hvernig dagurinn þróast - og hvort slagurinn snúist virkilega um raunveruleg stjórnmál - ekki einungis þras um persónur og leikendur.

Vilja taka að sér verkstjórnina