Frábært Nikulásarmót að baki!

Það var alveg frábært Nikulásarmót á Ólafsfirði um helgina - þar sem framtíðar "Pepsídeildarlið" háðu margar skemmtilegar og spennandi viðureignir! Þetta er í annað sinn sem ég er með dreng á Nikulásarmótinu - Styrmir var fyrir tveimur árum - og nú Magnús.

Öll umgjörð og skipulag mótsins er til fyrirmyndar - og ef eitthvað kom uppá - þá leystu heimamenn úr því með mikilli ljúfmennsku og jákvæðni. Nikulásarmenn sáu aldrei vandræði - einungis verkefni sem þeir leystu úr með glæsibrag.

Kærar þakkir Ólafsfirðingar - ég get svo sannarlega mælt með Nikulásarmótinu.

PS.

Magnús og Víkingarnir í 6. B lentu í 3. sæti - góður árangur. Víkingar sendu einungis yngri árgang í 6. flokki. Víkingur 6.C náði enn betri árangri - 2. sætinu - sem er reyndar frábær árangur því helmingurinn af liðinu var úr 7. flokki Víkings! Björt framtíð hjá Víking ef heldur fram sem horfir.

Við þökkum andstæðingum okkar fyrir frábæra helgi - ekki hvað síst þeim sem spiluðu í úrslitariðlinum. Hetti sem urðu í 1. sæti, sprækum strákum úr Breiðabliki og mjög duglegum strákum úr Skallagrími - sem reyndar gerðu sér lítið fyrir og unnu sigurvegaranna í Hetti í úrslitariðlinum - en urðu að samt að sætta sig við 4. sætið! Flottir strákar allt saman!

Grindvíkingar sneru við taflinu í seinni hálfleik