Steingrímur J. stendur sig vel!!!

Mér finnst Steingrímur J. standa sig vel! Ég er afar oft ósammála honum en mér finnst hann samt standa sig afar vel. Steingrímur hefur tekið hvern skaflinn á fætur öðrum fyrir hönd ríkisstjórnarinnar. Hann er nánast í hugum almennings forsætisráðherra landsins - óháð því hvort fólk er sammála honum eða ekki.

Með fullri virðingu fyrir Jóhönnu - sem gerir það sem hún getur í erfiðum aðstæðum - þá er það Steingrímur sem stendur keikur eins og forsætisráðherra á að vera - í baráttunni við allt og alla. Enda erfið mál að verja - og mikið af mistökum í gangi.

Mistökum sem Steingrímur hefur ekki staðið fyrir  - en tekur á sig engu að síður. Ekki hvað síst í IceSave.

Reyndar er það dálítið sérkennilegt að það er Steingrímur sem tekur öll höggin - ekki Samfylkingin - sem þó á mjög stóran þátt í klúðrinu í ríkisstjórn Sjálfstæðisflokks og Samfylkingar. Skelfileg klúður sem eiga stóran þátt í núverandi stöðu!

Já, ég veit að Framsókn á hlut að máli - en ber þó ekki jafn mikla ábyrgð og Sjálfstæðisflokkur og Samfylking!

Ekki heldur gleyma að Framsókn gerði upp við fortíðina - en Samfylkingin ekki. Þvert á móti er leiðtogi Samfylkingarinnar ráðherra í fyrri ríkisstjórn sem ætti að bera ábyrgð á störfum hennar - ekki hvað sísts vegna þess að þessi ráðherra átti stóran hlut í harakiri fjárlögum Samfylkingar og Sjálfstæðisflokks haustið 2007!!!

En Steingrímur tekur höggið af Samfylkingunni af fullkominni karlmennsku. Hann nánast beitir þingmenn sína harðneskju til að ná fram áætlunum sínum. Áætlunum sem ég er fullviss um að Steingrímur telur að séu réttar og bestar fyrir land og þjóð - þótt ég sé honum ósammála.

Steingrímur er að standa sig vel. Þótt ég sé ósammála honum. Það verður ekki af honum tekið. Vonandi hefur hann rétt fyrir sér - og ég rangt - en ég efast dolítið um það.

PS.

Það er greinilega draugur í tölvunni minni núna. Kannske því ég er að hrósa vini mínum Steingrími J. Er að skrifa í þriðja skipti þennan pistil - er búinn að missa hann út tvisvar vegna einhvers flökts í tölvunni. Vista því pistilinn reglulega - því ég ÆTLA að hrósa Steingrími - því hann hefur staðið sig vel.

Ekki minnst á lögfræðikostnað

Athugasemdir

[Brynjar Jóhannsson, 24.7.2009 kl. 17:38]

Þarna er ég sammála þér Hallur. Hann er heiðarlegur og hreinn og beinn í gjörðum sínum og þykir mér hann hafa bein í nefinu. Mér hefur hann hrakt hverja vísuna á fætur annari um þetta mál upp í þverrifu Gróu á leiti og svo virðist sem margir séu vísvitandi að mistúlka allt sem kemur fram í þessum samningi. Nóg er nú málið umdeilt fyrir að það sé eilífðar kjaftagangur á ferli sem engin fótur er fyrir eins og í þessu tilfelli.

[Óskar Þorkelsson, 24.7.2009 kl. 17:46]

sammála þér, SJ virkar á mig sem klettur í hafinu.. hinir virka ráðalausir og út úr korti..

[Rauða Ljónið, 24.7.2009 kl. 18:51]

Já Steingrímur er búinn að standa sig vel í eldlínuni það er ekki hægt að segja það um samfylkinguna.

[Guðbjörn Guðbjörnsson, 24.7.2009 kl. 19:47]

Sæll Hallur!

Við höfum nú oft verið sammála á undanförnum tveimur árum, þ.e. síðan ég byrjaði að blogga.

Nú er ég þér svo algjörlega sammála. Það er einkennileg tilviljun, að einu sinni sem oftar sló ég á þráðinn til móður minnar, blessaðrar, sem er 82 ára og búinn að lifa tímana tvenna.

Við fórum að ræða pólitíkina, en móðir mín hefur færst frá vinstri (Alþýðubandalag) til hægri (Sjálfstæðisflokkur) með tímanum. Hún var þeirrar skoðunar að eini þingmaður Sjálfstæðisflokksins, sem stæði sig í augnablikinu, væri Ragnheiður Ríkharðsdóttir.

Hún var óánægð með hringlandaháttinn hjá Framsóknarflokkinn í ESB málinu og einnig óánægð með VG, vegna þess að fólk var að kjósa gegn sannfæringu sinni. Hún sagði að sá eini sem vit væri í þar á bæ væri Ásmundur frændi og Jón Bjarnason, en ég vil taka fram að móðir mín vill fara í aðildarviðræður, líkt og við allir fjórir bræðurnir og erum við þó allir sjálfstæðismenn eða allavega til hægri.

Eitt vorum við sammála um að við treystum Steingrími J. Sigfússyni og vantreystum Jóhönnu Sigurðardóttur.

Steingrímur er að standa sig eins og hetja, þótt ansi oft sé ég ósammála honum, blessuðum!