Framsóknarmaðurinn Þór Jakobsson benti á þetta fyrir 25 árum!

Framsóknarmaðurinn og veðufræðingurinn Þór Jakobsson benti á þessa miklu möguleika okkar á öflugri uppskipunarhöfn á Íslandi fyrir hartnær 25 árum - þegar vísbendingar um hlýnun jarðar voru fyrst að ryðja sér til rúms.  Þór benti á að Ísland  gæti orðið miðdepill samganngna mulli Norður-Atlantshafs og Kyrrahafs.

Þetta mál hefur alla tíð síðan verið mér ofarlega í huga og fagna því að utanríkisráðherra sé með á nótunum. Þarna eru tækifæri fyrir framtíðina!

Góð skilyrði fyrir umskipunarhöfn

Athugasemdir

[Stefán Lárus Pálsson (IP-tala skráð) 22.4.2009 kl. 15:24]

Það hefur verið stefnt að því all lengi, að umskipunarhöfn yrði í Hvalfirði á Grundartangasvæðinu. Við Akurnesingar með 35% eignarhlut í Grundartangahöfn höfum gert okkur þennan möguleika ljósan, og talað fyrir því að slík gæti átt sér stað. Gísli Gíslason framkvæmdastjóri Faxaflóahafna, var lengi bæjarstjóri á Akranesi, og þekkir því vel til þessara mála, og er bjartsýnn á að þetta verði. Aðdýpi er meira þarna en annarsstaðar, þannig að mjög stór skip gætu notað þessa höfn.

[Marinó G. Njálsson, 22.4.2009 kl. 17:16]

Hallur, hvort heldur þú að hafi skipt meira máli varðandi þessa skoðun hans, að hann er veðurfræðingur eða Framsóknarmaður?  Það er nú pínulítið að skreyta sig með stolnum fjöðrum að tengja þetta við Framsókn.

[Hannes Helgason (IP-tala skráð) 22.4.2009 kl. 17:17]

Ég virði Þór Jakobsson mikils . þar er góður maður sem hefur góða þekkingu á bráðnun Grænlandsjökuls. og norðurpólsins. Um Jóhönnu Sigurðardóttir er bara eitt svar . Þið sáu hana taka við undirskriftalista Helga í Góu. Hvað sagði hún þegar hann vildi fá svör innan 60 daga .Ég skal reyna það var svarið og leit með fyrirleitningu á Helga. Er þetta leiðtoginn sem okkur vantar núna . Ég ségi nei. Samfylkinginn fékk góðann styrk frá ASÍ eini flokkur . Hvað er ASÍ að gera með peninga almennings. í að styrkja bara einn flokk. Hvað um aðra styrki sem hún fékk frá Atlandsolíu og Bónus og marga aðra styrki sem þarf að kanna betur .

[Ármann fv. mágur (IP-tala skráð) 22.4.2009 kl. 21:33]

Þetta er nú eitt mesta diss sem ég hef lengi séð: http://www.dv.is/frettir/2009/4/22/leyniskjol-vinir-framsoknar-i-bloggheimum/

Ég væri svekktur í þínum sporum.

[Eiður Svanberg Guðnason, 22.4.2009 kl. 23:04]

Hallur, - þetta er rugl hjá þér. Það  voru Framsóknarmennirnir John F. Kennedy og  Barack Obama sem  fyrstir nefndu þetta. Þú verður að læra  Framsóknarsöguna betur.

[Sigurpáll Ingibergsson, 23.4.2009 kl. 09:54]

Ísland, Hong Kong norðursins

“Norður-Íshaf er hið eiginlega Miðjarðarhaf”!
Svo mælti Vilhjálmur Stefánsson (1879-1962), landkönnuður og mannfræðingur.

Veit ekki hvort Vilhjálmur Stefánsson var framsóknarmaður eða krati en það skiptir ekki máli. Hitt skiptir máli að það er komin hreyfing á þessi mál hér á landi og stjórnvöld farin að undirbúa sig.

Íshafsleiðin, var fyrst farin af rússneska skipinu Alexander Sibiryakov árið 1932. Frá Íslandi er þessi siglingaleið til Tokyo innan við 7000 sjómílur (18-20 dagar), en ef farið er um Suezskurðinn er hún um 12,500 sjómílur (34-36 daga sigling).

Vegna legu Íslands á miðju Atlanshafi milli Evrópu og Ameríku skapast miklir möguleikar á að gera Ísland að öflugri umskipunarhöfn – Hong Kong norðursins, sérstaklega er horft til austurstrandar Bandaríkjanna. Einnig er hægt að aðstoða Rússa við að koma vörum sínum á markað, t.d. olíu, timbri og málmum.

[Sigurgeir Jónsson, 23.4.2009 kl. 14:14]

Því miður þá er þetta nú ekki fast í hendi frekar en margt annað.Siglingaleiðin frá Asíu norður fyrir Rússland til Evrópu er framhjá Íslandi.Siglingaleiðin frá austurströnd N-Ameríku til Asíu, norðvesturleiðin er líka framhjá Íslandi.Ef siglt væri yfir pólinn frá Beringssundi til íslands og vörum þaðan dreift til Evrópu og Ameríku til hægri og vinstri væri þetta komiði í framkvæmd, en kostnaður við að umskipa vörum er mikill og öll skipafélög forðast slíkt. 

[Sigurpáll Ingibergsson, 23.4.2009 kl. 14:34]

Sigurgeir Jónasson!

Ég hef séð fjárhagsáætlanir um umskipunarhöfn. Við erum ekki að tala um að borða alla kökuna.  Í áætlunini var verið að gæla við að 5% af vörum kæmu við á Íslandi í umskipun, þá væri fín arðsemi af umskipunarhöfn. Möguleikarnir væru miklir.  Tækifærið er fyrir hendi að stækka kökuna, en til þess þurfum við að vinna góða heimavinnu.

Að lokum má geta þess að ein af rökum fyrir skipafélög eru sjórán. Þau hafa færst í aukana t.d. nálægt Súdan.

[Hallur Magnússon, 23.4.2009 kl. 19:46]

Það er dálítið fyndið hvað þið eruð margir viðkvæmir fyrir Framsóknarmönnum og margvíslegu góðu framlagi þeirra gegnum tíðina.

Að sjálfsögðu var framlag Þórs byggt á grunni þess að hann var veðurfræðingur - en við settum Framsóknarmenn þetta fram sem einn mögulegan þátt framtíðarsýn í framtíðaruppbyggingu atvinnulífs á Íslandi fyrir rúmum 20 árum síðan.

Það er staðreynd sem ekki verður hrakin.

Ármann!

Hvaða diss sérðu í þessu Excelskjali?

Það að ég, Gestur Guðjóns og G.Vald séu ekki taldir upp?

[Ármann (IP-tala skráð) 26.4.2009 kl. 16:22]

Ég veit ekki um þessa G-menn en ég hefði haldið að þú ættir að vera efstur á öllum listum yfir merka Framsóknarbloggara; finnst Excel-maðurinn hafa skríplað ansi falskt þar.