Löngu tímabær breyting á stjórnun Landspítalans

Það er blóðugt eftir margra ára raunaukningu á fjárframlögum til Landspítalans í tíð heilbrigðisráðherra Framsóknarflokksins að nú þurfi að skera hastarlega niður á spítalanum og grípa til uppsagna.

En sú skipulagsbreyting sem fyrirhugað er að gera á skipulagi og stjórnun á einstökum sviðum Landspítalans er löngu tímabær. Tvíhöfðastjórnun sviða þar sem annars vegar læknar hafa séð um einn þátt stjórnunar og hjúkrunarfræðingar aðra hefur aldrei verið fullkomlega í lagi.

Framsóknarráðherrarnir áttu fyrir löngu að vera búnir að breyta því fyrirkomulagi.

Skipulagssbreytingin á að verða til markvissari og betri stjórnunar sem feli í sér sparnað.

Það verður hins vegar athyglisvert að sjá hverjir verða ráðnir sem stjórnendur sviðanna. Væntanlega og vonandi blanda heilbirgðisstétta með góða stjórnunarmenntun samhliða heilbrigðismenntuninni. Þar er staðreyndin reyndar sú að stétt hjúkrunarfræðinga stendur líklega betur í stjórnunarfræðunum en stétt lækna, en hjúkrunarfræðingar hafa verið mjög duglegir að sækja sér viðbótarmenntun á sviði stjórnunar.

Fyrst ég er farinn að tala um stjórnunarmenntun og heilbrigðiskerfið - þá er vert að minna á mjög athyglisvert nám í Háskólanum á Bifröst í stjórnun heilbrigðissþjónustu!

Uppsagnir fyrirhugaðar á Landspítala

Athugasemdir

[Sigríður Lárusdóttir (IP-tala skráð) 21.2.2009 kl. 16:30]

Það má einnig velta því fyrir sér, að allir þessir læknar og hjúkrunarfræðingar sem eru í stjórnunarstöðum fá enga kennslu í rekstrarfræðum í sínu námi.  Ef til vill þess vegna sér þetta fólk ekki sjálft hve óstjórnin er mikil innan spítalanna.

[Hallur Magnússon, 21.2.2009 kl. 16:44]

Sigríður.

Sammála þér að það skorti verulega á stjórnunarfræði í námi lækna. Hins vegar er eitthvað um það hjá hjúkrunarfræðingunum - en mætti líklega vera meira.

Þegar ég var í meistaranámi í stjórnun og stefnumótun á sínum tíma þá voru þar hjúkkur sem voru að bæta við sig stjórnunarnámi - og gerðu það af miklum dugnaði.

[Gunnr (IP-tala skráð) 24.2.2009 kl. 15:38]

Sæll. Sástu hverjir kenna þar eru þetta ekki stjórnendur heilbrigðiskerfisins á Íslandi í dag að kenna hvernig eigi að reka heilbrigðiskerfið..

http://bifrost.is/islenska/namsleidir/meistaranam/vidskiptadeild/ms-stjornun-heilbrigdisthjonustu/fagrad/