Dagur B. Eggertsson nýr blaðafulltrúi borgarráðs?

Er Dagur B. Eggertsson nýr blaðafulltrúi borgarráðs? Það mætti ætla þegar lesin er frétt um að hætt verðið við þriggja hæða mislæg gatnamót á Miklubraut og Kringlumýrarbraut, en fréttatilkynning vegna þess er send fjölmiðlum af Degi B.

Mér sýnist reyndar á tímasetningum fréttanna að dugnaður Dags sem blaðafulltrúa sé ótrúlegur því það virðist sem fréttatilkynningin hafi verið send fjölmiðlum á meðan borgarráðsfundi stóð. Það getur hins vegar verið að ég hafi rangt fyrir mér í því.

Ég verð að segja að það fer Degi B. Eggertssyni betur að vera blaðafulltrúi en borgarstjóri.

Hélt hins vegar að metnaður hans stæði til hærri metorða en að vera blaðafulltrúi borgarráðs - hvíslast hefur verið á um að Dag langi til að verða formaður Samfylkingarinnar og jafnvel forsætisráðherra þegar hann væri orðinn stór.

Hvað málefnið sem blaðafulltrúinn var að koma á framfæri við fjölmiðla, þá er það skólabókardæmi um breytt vinnubrögð hjá Reykjavíkurborg í kjölfar þess að Hanna Birna og Óskar Bergsson tóku við valdataumunum. Samráð og samvinna í stað sundrungar og sundurlyndis.

Hætt við þriggja hæða mislæg gatnamót

Athugasemdir

[Margrét (IP-tala skráð) 29.1.2009 kl. 15:14]

Dagur verður aldrei stór.

[Elfur Logadóttir, 29.1.2009 kl. 16:46]

Þú meinar að framsókn og íhaldið sé betra en ... ööh, framsókn og íhaldið?

[Hallur Magnússon, 29.1.2009 kl. 17:33]

Elfur.

Já!

Það er svo augljóst hvernig vinnubrögðin breyttust eftir að Hanna Birna og Óskar tóku við. Enda Dagur farinn að hafa af því áhyggjur!

[Elfur Logadóttir, 29.1.2009 kl. 17:36]

Ég sé ekki af hverju hann ætti að hafa áhyggjur ef hann kemur málunum sínum (og flokksins síns) í gegn - jafnvel þegar hann er í minnihluta. Það kallast á minni íslensku að koma vitinu fyrir fólk.

[Óðinn Þórisson, 29.1.2009 kl. 18:22]

Dagur blaðurskjóða - blaðafulltrúi borgarráðs - lýst vel á það  - hann er þá ekki að taka ákvarðanir á meðan