Samfylkingarmenn alltaf of seinir að gera rétta hluti!

Samfylkingarmenn virðast alltaf vera allt of seinir að gera rétta hluti! 

Björgvin G. Sigurðsson bankamálaráðherra sagði allt of seint af sér þannig að afsögn hans lítur út eins og hann væri að flýja sökkvandi skip frekar en að hann sé að axla ábyrgð.

Jón Sigurðsson varaformaður stjórnar Seðlabankans segir af sér allt of seint þannig að afsögn hans lítur út eins og hann sé að þvo hendur sínar af Davíð Oddssyni sem Jón hefur borið ábyrgð á um það bil sem Davíð fellur frekar en að hann sé að axla ábyrgð.

Ingibjörg Sólrún Gísladóttir formaður Samfylkingarinna slítur ríkisstjórnarsamstarfinu allt of seint þannig að afsögn hennar lítur út að sé gerð til þess að bjarga sér fyrir horn þegar fullreynt var að Samfylkingin var að hrynja vegna óánægju almennra flokksmanna og alþingismanna í stað stað þess að hún sé að axla ábyrgð.

Vonandi verður Samfylkingin ekki svona sein í minnihlutastjórninni - því þjóðin hefur ekki lengur tíma til að bíða eftir því að Samfylkingin geri rétta hluti á réttum tíma.

Sagði sig úr bankaráði Seðlabanka Íslands

Athugasemdir

[Guðrún Helgadóttir, 27.1.2009 kl. 11:12]

Það er nú ekki rétt hjá þér, fyrsta manneskjan sem sagði af sér og gerði kröfu á að aðrir gerðu það var fulltrúi Samfylkingarinnar í stjórn Seðlabankans. Það tók bara enginn eftir því í október, sjá nánar http://gudr.blog.is/admin/blog/?entry_id=783807

[Hallur Magnússon, 27.1.2009 kl. 11:44]

Samfylkingarkonan Sigríður Ingibjörg er undantekningin sem sannar regluna - og gerir stöðu Jóns Sigurðssonar enn pínlegri!