Íbúðalánasjóður mannleg opinber þjónustustofnun!

Íbúðalánasjóður er mannleg opinber þjónustustofnum sem hefur alltaf komið á móts við þarfir fjölskyldnanna í landinu. Þessi ákvörðun stjórnar Íbúðalánasjóður sem hugsuð er til að létta á með þeim sem lent hafa milli skips og bryggju er rökrétt.

Það má heldur ekki gleyma að Íbúðalánasjóður býður upp á greiðsluerfiðleikaaðstoð sem meðal annars felst í því að sólk getur sótt um frystingu á lánum sínum í allt að 3 ár ef breytingar verða á fjárhagslegri stöðu þeirra. Þessi greiðsluerfiðleikaaðstoð mun væntanleg verða mörgum til bjargar í þeirri efnahagslegu niðursveiflu sem nú er í gangi í íslensku efnahagslífi.

Hægt að fresta afborgunum af íbúðalánum

Athugasemdir

[Óskar Arnórsson, 23.8.2008 kl. 03:50]

Það hefur alltaf verið hægt að sækja um frystingu á lánum hjá Íbúðalánasjóði. Ég myndi vara mig á að nota þau tilboð núna. Greiðsluerfiðleikaaðstoðin sem ég fékk gerði það að verkum að ég missti íbúðina. Meðan ólögleg verðtrygging er á öllum lánum frá þeim, er þetta engin aðstoð. Frekar gildra sem ég er enn að súpa seyðið af. Ég fékk þessa aðstoð fyrir 5 árum síðan vegna veikinda sem ég lenti í. Í dag vefur þetta enn fljótar upp á sig enn það gerði á þeim tíma sem ég fékk þessa "aðstoð".

Eina aðstoðin sem vit er í er að banna verðtruggingu lána. Ísland er eina landið í heiminum sem ég veit um, þar sem fólk skrifar undur lánaskuldbindingar enn fær ekkert að vita hversu mikið á að greiða til baka.