Ráðherrar vanhæfir hægri vinstri?

Mér líkar illa sú þróun í stjórnmálunum að ráðherrar geti komið sér undan pólitískri umræðu með vísan til þess að ef þeir tjái sig um einstök mál þá geti þeir orðið vanhæfir við afgreiðslu þeirra á seinni stigum. Ég skil hins vegar rökin - en tel þetta vera gengið út í öfgar.

Gagnályktunin er þá sú að ráðherrar sem hafa tjáð sig um einstök mál séu þegar orðnir vanhæfir hægri vinstri. ´

Viðskiptaráðherrann gæti þannig verið talinn vanhæfur að taka á málum er varða evru. Reyndar má ganga svo langt að halda því fram að ráðherrann hafi gefið Sjálfstæðisflokknum sjálfdæmi um gjaldmiðilsmál vegna einarðrar afstöðu ráðherrans sem vill að við göngum í Evrópusambandið og tökum upp evruna. Hann geti ekki beitt sér í málinu þegar það kemur á hans borð í alvöru. 

Ég er reyndar sammála ráðherranum í þessu efni - þótt ég hafi bent á millileik sem er að taka upp færeysku krónuna.

Fjármálaráðherra hefur á sama hátt þagað þunnu hljóði um vistarbönd sem sett eru á íslensku bankanna með því að meina þeim að gera upp í evrum.

Sé ekki betur en að samgönguráðherra sé meira og minna vanhæfur í samgöngumálum þar sem hann hefur tjáð sig hægri vinstri um hvaðeina er varðar slík mál - þótt hann hafi farið í þagnarbindindi vegna Sundabrautar - sem er vonandi ekki vísbending um það að hann ætli að elta vitleysuna í Vegagerðinni í þeim málum.

Þannig mætti áfram telja með alla ráðherrana.

Er ríkisstjórnin kannske meira og minna vanhæf nema hún snarhaldi kj..... ?

Athugasemdir

[Þorsteinn Siglaugsson, 17.1.2008 kl. 13:03]

Vanhæfi hlýtur að ráðast af hagsmunum frekar en skoðunum. Annars eru allir stjórnmálamenn meira og minna vanhæfir í öllum málum, ekki satt?

[Bjarni Harðarson, 17.1.2008 kl. 13:10]

Er ykkur alveg sammála og held að í raun og veru eigi vanhæfisreglur vegna ummæla ekki að ná til pólitískra embættismanna - það liggur í hlutarins eðli. -b.